黃又南晚晚消夜驚現雙下巴　嚇到即刻禁食

藝人黃又南、張敬仁、趙哲妤、張同祖以及許誠毅等，前晚（16日）現身電影《怪物》首映禮，黃又南受訪時，明顯聲沙沙，他直言因日前拍攝電影《談判專家》一場力竭聲嘶大嗌戲而令聲音沙啞，還笑指可於戲中有得鬧劉青雲，盛讚對方親民好人，很願意照顧後輩，他謂：「佢同我講有啲位可以盡一啲，唔使就住，向佢吐啖口水都可以，我唔使埋位時，經常向佢請教，亦會留意佢同吳鎮宇嘅演出，細心聽佢哋講戲，得益好大。」

黃又南之前拍另一部電影《死屍死時四十四》，晚晚有消夜食，結果肥了接近6kg，所以最近正積極運動減肥，他笑言：「我好貪靚，見到自己有雙下巴出現，真係要即刻減肥，做演員唔可以太放縱，依家距離目標仲有1kg，希望盡快搞掂。」