細女海外升學 張兆輝做「陪讀爸爸」

近年劇接劇的張兆輝，早前在內地拍新劇《陪讀媽媽》三個月，忙到連老婆女兒都無時間見面，仲搞到有思鄉病，所以他決定下半年抽多些時間陪家人，更打算做「陪讀爸爸」，陪女兒到外地升學。

張兆輝拍完TVB劇集《性在有情》後，早前返內地演出新劇，他笑言首次花這麼長時間拍劇。「又要飛去加拿大拍外景，第一次拍劇拍到有思鄉病，所以喺蘇州外景期間，見有三日假期，即刻買機票返港，見一見個女。」

下半年積極減產

張兆輝細女今年將到外地升學，所以他計劃下半年減產，陪女兒到外地讀書。「始終係孻女，真係孻心肝，我想開學前陪阿女早少少飛過去，等佢習慣下外地生活先，所以下半年會篩選工作。」

張兆輝在加拿大時，亦抽空到了當地的電視台及電台接受訪問，並重遇很多老友記。「我無諗過一行入電視台，見到好多都係以前TVB嘅舊同事，大家起碼廿幾年無見，最開心係撞番李婉華，雖然我哋只喺91年合作過一套劇叫《男人勿近》，算不上係老拍檔，但大家見番面，仲好有親切感。」

撰文︰倪小珊

編輯︰林梓添

美術︰梁政敏