19
2
5
港鐵沙田圍站 B 出口, 步行約6分鐘
繼續閱讀
電話號碼
26462696
附加資料
足球賽事其間通宵營業。
營業時間
今日營業
06:00 - 23:00
星期一至日
06:00 - 23:00
以上資料只供參考, 請與餐廳確認詳情
之前聽聞呢到煲仔飯出名, 而家又開始凍, 就黎試下, 這裡也有巴士, 小巴或者港鐵可以到, 都方便.餐廳係屋村平台上, 可以選擇坐室內或室外, 黎到已經有幾枱客坐室外, 食緊火鍋, 好似好正咁, 睇完餐牌想叫煲仔飯點知貼左暫停, 問下伙計, 原來師傅冇做了, 見凍凍地, 所以試下時令火鍋啦, 呢到都出名小菜!*藥膳醉雞鍋(半隻) 奉送時菜一份~ 藥膳醉雞鍋酒味濃, 混合埋其他中藥, 雞鍋味道香甜濃郁, 雞件新鮮, 拾熟了的雞塊很滑, 吸收了濃湯, 好味, 生菜新鮮爽, 亦都吸收了雞鍋的豐富濃湯, 特別好食*炸墨魚餅~推介炸墨魚餅, 份量十足, 呢度小菜都十分大碟足料, 墨魚餅食落咬到粒粒的墨魚粒, 好彈牙, 又炸到剛剛好, 推介*避風塘茄子~推介之一避風塘茄子, 出面比較小出品避風塘茄子, 一上檯見到好大碟, 煮得靚, 茄子融入炸蒜粒, 蔥條及辣椒粒之中, 食落好香口, 熱騰騰的, 外脆內軟 , 幾多汁, 唔會乾, 有驚喜!*熱柑桔檸檬蜜都唔會好求其, 估唔到都幾好飲~整體黎講食得開心, 坐得舒服, 伙計服務好, 亦都好岩呢度既街坊做飯堂, 下次再同媽咪黎試下佢其他小菜先~
繼續閱讀
正是入秋時節。 天氣變得涼爽。 這絕對是打邊爐, 食熱炒的最佳時機。 當我們重遊以往住的沙田時，我們發現戶外的大排檔少見了好多。 我們十分懹念那些大排檔。幸運的是，我們查到了在乙明村有一個不錯的。 它位於平台，因此不會來道路灰塵。 另一方面，餐桌擺在餐廳外的平台上，環境和氛圍非常適合與好友老死聚會。由於只有我們只有兩人去吃飯，所以我們決定不點打邊爐，而是點了著名的明爐烤魚。 我們不喜歡太辣的食物，所以我們點左酸菜烤魚。 魚很大條，烤得香脆，然後放在酸菜湯上。 因此，魚肉好香, 肉質也很好, 少少辣，少少酸。食完成身暖笠笠.我們還點了西蘭花炒鮮魷。 魷魚炒的時間恰到好處。 沒有煮過頭, 所以好爽口。 西蘭花很新鮮。另一道菜是鐡板京蔥牛肉。 牛肉切成方塊。口感好。 不過，呢味菜識食一定係京蔥。直情係主角。呢兩道菜有飯和湯跟。即使只係例湯，湯 料也足足。有heart!毫無疑問，所有的菜餚和烤魚都是啤酒的最佳搭檔！ 我們食了一頓爽快又暖笠笠的晚餐！！
繼續閱讀
沙田圍街坊繼續探店發掘好野食，呢晚來到就近屋企嘅乙明邨翠林餐廳用膳，主要為左佢地嘅鑊氣川味打冷撚手小菜，約埋兩位朋友一齊聚舊。MENU 選擇十分多，早餐午餐炒粉麵飯樣樣齊全，晚餐主要為小菜及煲仔菜連客飯，唔怕熱又想食煙朋友仔可以選擇露天茶座。第一次幫襯就先叫兩款廚師推介啦。🦪煎蠔餅 $88推介:⭐️⭐️⭐️⭐️⭐️正!估唔到唔係打冷店都做到大排檔的脆炸質素，而且入面蠔肉油炸火喉剛剛好，令蠔肉保持到大大隻嘅水準，點埋配汁香口又鮮美，飲酒送飯係唔錯選擇。🍆避風塘茄子 $88推介:⭐️⭐️⭐️⭐️份量驚人原本睇MENU張相無諗到咁有驚喜，上檯十分吸睛，大大條茄子融入左避風塘炸蒜粒之中，加埋蔥條及辣椒粒爆香，外脆內軟，又一送酒之選!🐓招牌蟲草花蒸雞 $88推介:⭐️⭐️⭐️⭐️⭐️推介寫得落係招牌果然有D水準，蒸雞滑溜入味，大量蟲草花蓋頂飄香吸引，特別要一提個底汁，充滿著雞油精華，不禁忘卻邪惡感放左匙要來撈飯~🍲酸菜魚 $158推介:⭐️⭐️⭐️⭐️可以一試份量分大中細 2-6人享用，由多年川菜經驗老師傅掌廚，點了二人份量的魚肉同酸菜份量都十分充足，湯底可以再配出前一丁/辛酸麵/烏冬 (+$15)另外加左烏冬滑溜少掛汁，拌勻酸菜芽菜辣椒等一齊食惹味開胃，Menu 話係可以飲埋湯嘅酸菜魚，但當晚湯頭落足料有少少過濃，希望大廚可以調返清少少就可以更貼合朋友仔享用。原本以為佢地最出名的煲仔飯只有冬天先有，誰不知見到隔離檯熟客食梗煲仔飯~!!朋友仔如果有興趣到時要主動問店員有無煲仔飯食啊~ 小編下次再來一定要叫煲仔飯!!😋
繼續閱讀
翠林餐廳 (沙田)沙田乙明邨街7號1樓味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：薑蔥魚腩煲 $78，四川回鍋肉$78，醇滑嘉士伯大樽裝 $32翠林餐廳位於沙田乙明邨，乘港鐵可在沙田圍站下車，步行約6至7分鐘即到，鄰近又有不少巴士站，交通方便！😄😄😄餐廳的賣點是小菜，備有多款菜式，有單人雙人及四人餐可選，味味火喉十足，奉送白飯例湯，經濟實惠，梗有一款啱哂你！👍👍👍薑蔥魚腩煲：個煲仔火熱辣上枱，夠哂惹味，小手燙手，魚腩數量夠多，除了啖啖肉的肥魚腩外，還有小半邊魚頭，可品嘗滑滑的魚眼晴，而薑蔥吸收了魚腩精華後亦異常滋味，正！👏🏻👏🏻👏🏻四川回鍋肉：肉塊份量夠，睇落足有半碟燒肉例牌咁多，較一般的回鍋肉厚切，塊塊煎得金黃香口，配上青椒紅椒椰菜，橙紅色醬油，色彩繽紛，賣相討好，最啱餸飯！❤️❤️❤️醇滑嘉士伯大樽裝：大魚大肉加啤酒，香甜滋味满心頭，飲杯勝既！😋😋😋店內還有大大煲的足料酸菜魚，可惜一個人食唔哂，下次定要一家人來試試，今晚最後飲飽食醉，心滿意足回家去！😍😍😍
繼續閱讀
冬天又係食煲仔飯既時候！朋友介紹呢間俾我食調好正🤩煲仔飯選擇都唔小👍🏻北菇滑雞拼臘味煲仔飯｜一打開就見倒堆滿既餸同堆好香臘味味😍滑雞真係好滑，仲係啖啖肉。臘味已經切好左一片片，方便食，臘肉唔會太鹹，臘腸入口油脂感爆發😋飯粒粒分明好乾身👍🏻蒜蓉炒豆苗｜豆苗好嫩，炒完都仲好翠綠😍有蒜香，同埋唔會好油膩。紅燒乳鴿｜炸得好靚🤩外皮好脆，肉嫩，唔會炸得太乾身！咬開層皮仲有油漏出黎架🤤鍋貼小棠菜｜睇餐牌個陣覺得呢道菜好得意，原來係墨魚滑溝小棠菜再拎去炸。墨魚滑彈牙仲有啲墨魚粒😋層炸衣好特別，有啲厚度但又好鬆脆。幾抵食👍🏻
繼續閱讀