【Viu】「世界第一」呂爵安(Edan)喺1月21號踏入27歲,FC喺尖沙咀設置名為「Embrace Love, Again」嘅生日展,以Edan歌曲《Again!》為創作概念,分為6個展區,包括服飾展覽區、照片牆、LED Wall、繪馬許願區、自拍區,以及最特別嘅玩具捐贈區,鼓勵各位參加者捐出新舊玩具,將快樂傳承畀下一代!展覽上仲會播出Edan嘅片段,分享入行5年嘅感受同生日願望,仲隔空吹蠟燭,認真鬼馬!
FC Admin Josie受訪時話,因為Admin Team啱啱上任,只得個幾月籌備生日應援,加上撞正演唱會,分配時間同人手上都好艱難,而正日都會喺亞博派生日限定手幅同大合照,亦預備咗蛋糕畀Edan,祝福佢身體健康,做到自己想做嘅事!
此外,FC喺21號當日請全港巿民免費搭2號巴士,so sweet!
現場實況: Edan生日展6大打卡位率先睇 預告21日生日場驚喜連連 爵安感激爵屎助走出迷失