翠湖海鮮酒家

營業中

休息中

新春聯誼的開年飯，訂了位在翠湖。一間套房內擺放幾圍枱，完全沒有壓迫感，很濶落。原隻燒鵝皮香肉厚，滑溜有汁，不算很肥，蘸些酸梅醬更加味美。蝦球伊麵的蝦球大大粒，爽彈有致；伊麵煮得到位，惟湯汁稍淡，如果濃味些會更佳。名為黑松露甜豆帶子的菜餚，豆是夠甜的，帶子亦不錯，但黑松露的香氣根本發揮不出來。脆奶卷明明是一道甜點，卻無端端放在宴席的中間位，食完鹹又食甜，令人摸不著頭腦。海皇翅的海鮮又是帶子，還有些蝦仁、魚肉之類。魚翅份量不多不少，湯羹喝得舒服。沙巴龍躉蒸得火候甚足，肉質不老，整條魚都是滑滑的。發財好市的蠔豉相當大顆，髮菜亦不少，生菜夠爽脆；可是蠔油汁應該可以再濃些。未知是否上菜後放了一陣才上桌，燒雞的雞皮並不夠脆，幸雞肉尚嫩，挺不錯。食到此刻已有飽意，但勢估不到炒糯米飯是最好食的！入味之餘還有臘味坐陣，乃整餐的冠軍！紅豆冰則不甚了了，普普通通，紅豆當然不會起沙，之不過是最尾有個甜品落肚而已。環境不俗，食物尚可。

久久沒有去飲茶，呢間酒樓無論款式同點心嘅味道，都係中上。椒鹽魷魚鬚無諗過係咁大碟、乳豬飯好好食對得住個價錢！今時今日原個蒸馬拉糕已經唔係到到都有，鹹水角一般都係3件，呢度就係4件；個皮外脆內軟好好食。👍🏻👍🏻個 乳豬飯真係冇得頂吖！😋😋

由它試業開始的第一天，我們來試了之後。感覺係不錯的， 無論是味道服務至價錢都是中價位。茶位收$15/位，最近一次幫襯點心質量好似跌咗少少但都可以接受嘅。其中有一個特嘅點心（竽茸天鵝酥$35.80）師傅想做天鵝外型天鵝球外型係做到呀，但那條頸及頭都是麵粉做的沒有味道插在炸物上的確似天鵝頭，但考慮到味道同口感實在無必要做這個天鵝頸。同時碟點心被拿出來時三件天鵝東歪西倒。浪費了本來的造型。其他點心都是中規中舉的質素。這次也試了燒鵝例配湯米粉$148，燒鵝質素唔差米粉份量也足夠。頂嘅香脆明蝦紅米腸$40.80比最初來食的時候失色了內餡炸乾了。只有硬脆的油條加蝦肉。其餘同價的還有燒賣皇，菜苗餃。义燒包都做得唔錯有三個一籠$26.80同牛肉球一樣價位。珍珠雞就$30.80, 生煎飽$35.80, 小食的脆皮燒腩仔$78服務員有點唔夠人不過呢d 都係新常態吧！習慣下啦！

覺得佢幾好，是因為附近的酒樓由荔枝角四小龍碧海，宇晴，泓景台那三間及同在長沙灣廣場的另一間比較下，翠湖的出品是比較好一點的，今晚食咗海味什菜煲，文昌雞，天下第一炒。【海味什菜煲 】大大煲，高湯味道不錯【文昌雞】冰鲜雞嚟講可以接受【天下第一炒】差不多每次嚟都會食，有大虾有帶子好有睇頭。而且又幾好味😋另外，燒鹅，义燒，豬手前菜。之前都食過人多都可叫。啤酒選擇多。整體來講份量合比例，味道也好以。價錢方面也算合理

午飯時間，行過嚟試吓啲點心。先上咗份煎釀虎皮椒，鯪魚肉撲滿而且有四條、份量超大。荷葉珍珠雞，能嘗到少少荷葉遺留下來的荷葉香味，這個值得再試！蜜汁叉燒腸，中規中矩，還算滑嫩！最後的咕嚕肉，比較有水准，酸甜爽口！

和朋友一行来港看市场，到访此间店，食材真材实料，食得出厨师用心做菜。印象最深是星级叉烧皇，肥瘦相间，新鲜入味，一点都不腻，非常好。烧鹅皮脆肉厚，质量上乘，口味口感也属一流。非常值得推荐。菠萝咕噜肉，亮点是菠萝质量很好，熟甜微酸。虾饺皇，皮薄爽脆，颗粒饱满饱满。叉烧包，老式手工发面，口感绵香。鲍汁蒸凤爪，味道稍稍淡了些，可以加重调料以提升味道层次。鲮鱼酿青椒，用料扎实，口感不错，不过建议鲮鱼可以炸得更入味再和青椒酿在一起复炸，以增加香味浓度。

幫襯開盈暉酒家，可惜到初九仲未有下午茶。就試下呢間，不出所料，質素好麻麻，價錢都偏貴。叫了2份下午茶set，燒味賣相還可以，但食落真係好普通，唔算好食，米線都偏林左，無牙都食到。牛肉腸粉的皮好厚，牛肉固然少，都無乜味。燒賣賣相都幾靚，但食落又係無味，唔鮮味。叫侍應比個辣椒油，完全笑左出嚟，個辣椒油係有dd甜，兼完全唔辣。🤣見質素都好麻麻，所以都唔再加食物，食完拿拿聲走人了。埋單大約180蚊，預左茶位都12蚊位，結果係每位13蚊，個數咁單丁😅。食完感覺係夠飽，因米線份量比想像中多。但味道都係個句，無味，唔會令人想回頭再幫襯。坐位都排到好密，幾乎同隔離枱背隻貼住背隻。

年初二中午去飲茶等勁耐先有嘢食但啲嘢食嚟到係凍嘅十樣點心得一樣比較正常 性價比勁低又貴又難食未食過咁難食嘅鳳爪非常淡，個醬溝淡咗好多金錢肚又硬又腥灌湯餃難食到爆今時今日香港仲有咁難食嘅酒樓真係好難得除咗食物之外，服務亦都差叫咗個腸粉俾咗個好少嘅甜醬我叫麻煩俾多一個服務員態度極差地說食完先再叫啦我當然知道自己會食幾多先至會叫多個當然最後都冇俾亦都唔想再叫多次兩個人埋單，三百幾真心唔會再食第二次

一大班人最好就係去飲茶，荔枝角酒樓都算多，喱間飲開都幾好，點了以下食物：1. 黑松露海皇炒飯：菜粒、蝦仁、元貝粒、蛋炒飯，份量都幾多，6人食每人都至少兩碗，黑松露都落得幾多，好香好惹味。2. 鮮蝦腐皮卷：脆口幾好食，不過好快腍要快食。3. 鮑汁浸鳳爪(小食)：煮得幾腍，1份有6隻，幾好味。4. 翠湖蝦餃皇：皮薄餡靚，蝦好大隻。5. 陳皮牛肉球：以往多數用腐皮，夾牛肉球令陳皮更清香。6. 蜜汁叉燒包：1籠3個，包皮厚饀少，始終冇以前咁好食。7. 瑤柱新鮮菜苗餃：皮有點厚，有菜有蝦。8. 鬼馬炸兩腸：香脆好食。9. 雪菜肉絲窩鴛鴦米：鴛鴦米=米粉+炒絲，口感幾好，個人覺得粉絲令口感較好。態度親切有禮貌及笑容，整體服務唔錯，上餐速度快，讚讚讚!!!

放假陪兩老出嚟飲下午茶，樓底唔高，枱亦好密，相對嚟講都幾嘈吵。冇諗過工廠區係星期日嘅話下午茶都好商務嘅價錢，既然坐低咗就豐儉由人啦。叫咗個燒肉米線拼燒賣$58，燒肉得一行，個米線湯底好似水一樣咁健康。如果以呢個價錢嚟講性價比就唔算太高啦。等咗20分鐘開始有嘢食嚟，你都比較多嘅係炸物，但係全部都係常溫嚟嘅。蒸嘢食嘅話就好少少，豬手都入味，但係紅棗糕佢可能落粉攞得太多，好似咬緊啲BB仔牙膠咁。平時都好少食炸兩腸，因為預咗佢個油炸鬼係會腍，但係佢呢度又唔會，但係加咗啲櫻花蝦碎喺上邊，同腸粉食落去有少少格格不入。好彩佢個豬什粥同埋個桂花糕表演都唔錯，挽回我對佢有少少嘅好評。一早落嘅乳鴿漏咗單，後來幫手再跟番，即炸係唔同d。總括嚟講如果以呢個價錢嘅下午茶，咁可能同區近四小龍嗰邊嘅酒樓會更勝一籌。

見到長沙灣廣場新開左一間酒樓，即刻就拉埋同事黎一齊試下🤣Lunch過黎飲茶都係一個唔錯既選擇，見到價錢同同一層個間差唔多～不過人流就好似呢一間多啲，唔知係咪因為呢一間新開，所以大家都走過黎試🤣入面環境都算嘈吵，不過都正常🤣我地總共叫左7~8道點心，食物溫度唔係話好熱辣辣，只可以話係暖🤔xo醬蘿蔔糕，第一次見會有埋菜，同食開個啲有少少唔同🤣不過味道都唔差，幾惹味～鮑汁鳳爪味道都好濃郁，而且都好易吮👍🏻其他味道都係不過不失，唔難食既，不過又唔係特別好食。唔知係咪因為太多人所以啲野食都唔係好熱？

已經食過幾次，食物水準一樣可以保持到咁高質嘅實屬少有👍🏻乳豬真係好脆皮，凍咗都唔會變得淋👍🏻肥瘦適中、口感香脆、不油膩，完全冇一般豬肉個種騷味😂好食到我一個人都食到半隻😆避風塘鮑魚真係好香口，一啲都冇過熟，好有彈性唔會un，脆邊小小辣好惹味，食落真係好滋味冬瓜盅入面材料超級豐富，有蟹柳、瑤柱、勝瓜、金華火腿、蝦仁・・冬瓜味好重，消暑解渴，鍾意飲湯嘅我真係大推👍🏻👍🏻我覺得呢間都算係我食過最好食嘅中菜之－，所以我先不斷回訪👍🏻

見食評唔錯，一早想嚟試吓，始終同區都冇咩邊間價錢相約嘅酒樓特別吸引。上次週末臨時想嚟都話full booking , 今日星期五即興嚟有位。點咗個沙巴斑仔拼燒鵝 。燒鵝連爐一齊上，讓燒鵝一直保持溫度，味道相當不錯。個人覺得沙巴斑仔更為出色，肉質十分滑，連我不太喜歡吃魚的人都覺得好食。最重要係同行老人家都覺得很好。亦點咗蒜茸粉絲蒸大扇貝，扇貝新鮮，哩碟菜都好難難食嘅。菜類就叫咗上湯浸魚腐菜心。整體食物唔錯，但可能樓底矮，環境好嘈。

今天和家人慶祝生日，知道這裡是開業不久，因此過嚟試試！點左一個龍躉乳豬全包宴套餐，以6人套餐來說，份量都算足夠，食物質素也算ok. 上湯焗大蝦球伊麵，用珍寶大蝦球很爽脆，伊麵底也不錯。紅燒海皇翅，十分足料。清蒸沙巴龍躉，肉質很滑。海皇炒飯，炒飯好香夠鑊氣。我們自攜生日蛋糕，酒樓也很大方，沒有收切餅費，大家都吃得很開心😃美中不足是個別員工的服務態度真的需要改善一下，食肆的服務態度是直接影響客人會否再度回頭，這也是香港飲食業當前最急需改善的地方！

為食 ，懷舊點心甜品，炸鮮奶及芝麻卷，10月15日星期天假期，揾食肥華帶靚媽到此酒楼，尋找呢兩個近乎失踪的童年美食，初到此店肥華感覺良好，楼面員工待客有禮，服務態度勤快，對客要求亦對位，此方面值得一讚，而點心方面，因今天是假日，沒有特價早茶點心供應，食物選擇方面應比平日略少，猶幸炸鮮奶及芝麻卷呢兩款，肥華及靚馬嘅心儀食品，在正價點心紙上，仍然榜上有名，而且味道不俗，冇令肥華，靚媽失望，而今餐其他食品，除咗碗豬什粥内嘅，豬潤淥得太熟，影响口咸外，個粥底連同其他點心，食品都有極佳水準，反而此店可能楼底問題，人多入座，感覺好嘈，是此店缺店👍👍👍