《延禧》百億點擊！阿佘：心想事成好興奮

內地藝人吳謹言、佘詩曼主演的《延禧攻略》掀起追劇潮，直至今日晚上七時半，該劇已累積100.8億點擊，成績相當之好，佘詩曼對此表示：「估唔到開口中，剛開播時我口噏目標係...百億點擊，真係冇諗過可以達到，依家心想事成當然好興奮啦，不枉本宮心機算盡去演繹。」

講到有人將《如懿傳》與《延》比較，阿佘說：「我自己唔會去比較，唔同人演繹都一定有佢獨特元素喺度，周迅仲要係我其中一個好欣賞嘅女演員，但可以肯定嘅，就係搞到我都好想睇吓《如》，知己知彼，但呢排真係好忙，稍後有時間會去睇。」