吳君如撇甩陳可辛出席派對夫妻各自忙新戲嘔心瀝血 一間於中環屹立多年嘅西餐廳歷年來深受名人藝人愛戴,餐廳即將結束16年經營,呢日舉行咗個結業派對,圈中人吳君如、翁嘉穗同老公鄔友正、許濤及老婆陳祉妤、Ana R.、單立文及老婆胡蓓蔚、楊秀惠等均有現身捧場。 過往係餐廳常客嘅君如撇甩老公陳可辛單人匹馬現身,佢透露老公正忙於籌備嘔心瀝血新戲,而自己則正籌備一部打麻雀題材電影,單係劇本已花咗近兩年時間,同樣係嘔心瀝血之作,估計將會農曆年後開拍,陣容方面君如未有正面透露,但就話會有老柏檔同自己嘅偶像參演,屬於爆笑喜劇。 此外,君如女兒陳是知(Jillian)身處英國留學,為咗追趕學業,未必可以回港過新年,君如一提起女兒就顯得好心掛,表示知道女兒讀書辛苦,自己可能會飛去英國見女兒,亦會搖拒支持。 新年將至豹哥同豹嫂已經計劃好到上海探親過年,兩人笑言已準備好胃口,喺家鄉可以盡情大飽口福。 #吳君如 #翁嘉穗 #鄔友正 #許濤 #陳祉妤 #單立文 #胡蓓蔚 #楊秀惠 #陳是知