晚餐說要排6個月 LUNCH 就好點, 4個多月 11月訂到而家的小菜館 望穿秋水, 終於到了 菜館既環境比較精緻，係小菜館既形式 會有碗筷, 酒杯等等放左係度 枱與枱之間好窄 食飯個陣D 侍應行黎行去, 都FEEL 到就黎撞膊 現場有4人台4張, 6-8 人台一張, 估計應該仲有一張係好入, 不過我地見唔到 所以可坐到20...多個人左右, 唔怪得郁下就要排4-6個月起 朋友說, 「今日唔知聽日事, 有得食好食」 咁又係, 叫多左咪打包, 而且都排左成幾個月 所以以下既份量係叫多左 ****** ➽ 少爺焗豬扒飯 6人份量(起) $510 (預左食唔晒打包, 最後淨返6成打包了) 個汁好好食! 面有滿滿既芝士 個蕃茄汁好香好濃, 甜甜酸酸 而且有好多切粒既蕃茄粒同洋蔥粒係個汁度, 增加口感 佢仲會跟6隻荷包蛋 荷包蛋煎得好香, 而且落左D 鼓油 將隻荷包蛋放上每碗豬扒飯上面, 再篤穿隻蛋 … 美食... 我同朋友講, 淨係食個汁撈飯就夠啦 其實唔洗要豬扒, 佢已經變左做配料 個豬扒炸過黎, 豬扒肉口感普通OK 我同朋友食, 都SKIP 左好多豬扒 都係話個汁夠好味撈飯 ➽ 杏汁菜膽豬肺湯 $80一位 (有打電話預訂) 一黎到就有好香既杏仁味 豬肺好淋好食 但我同朋友都覺得個湯太多杏仁碎粒 佢應該係落左超多打碎左既杏仁 所以每食一啖都有點點既杏仁碎粒 我覺得如果可以隔走佢個口感會好D, 會滑D 不過整體真係幾香既 ➽百花炸釀蝦多士 $63 一件 一件都唔細, 因為想試多D 野食, 所以我地都係兩個人SHARE 一件 而且, 佢既蝦肉好多, 好厚身 多士鮮炸香脆, 好味! ➽茶香煙燻雞半隻 $300 (有打電話預訂) 侍應拎住碟雞未放落黎已經嗅到好香茶煙味 肉質都幾滑 而且個皮真係好好食 好香茶味 佢會俾一碟類似鼓油汁既俾你沾雞 個汁係幾種茶葉溝出黎既汁 沾左係令隻雞更香 ➽千層咕嚕肉 $148 有趣 咬開左, 係真係見到有幾層既肉 個肉質感我覺得有D 唔夠汁, 雖然都有肥肉, 但唔夠JUICY 覺得還可以吧 ****** 整體說, 呢一餐係幾好食 你話值唔值得等幾個月? 都OK 既, 訂左咪HEA 等 會唔會再食? 我即場訂左下一次食啦, 佛系等, 哈哈 因為我見有人食炸乳鴿, 蒸馬友, 蟹炒腸粉, 都好似好吸引, 下次想試埋! 希望下次多D 人, 可以試多D 野 同侍應閒談, 問佢老闆係咪就係廚師? 佢話唔係, 老闆係一位牙醫 哦, 廚師唔係老闆, 點都驚有日個水準唔同左, 或者佢自立門戶 睇黎盡早食多次都好, 哈哈 今次人均💰$499 其實叫多左野食, 預左打包 (有6成豬扒食唔晒, 千層咕嚕肉接近冇食) 大約計過食量, 其實應該係大約人均$360更多

本身冇乜期待, 估唔到每個菜都好高質, 襯埋紅酒🍷一流😍 唔計環境一定係年度最佳中菜, 師傅手藝一流！！！ 1️⃣ 薑蔥焗肉蟹煎腸粉 蟹不是主角, 腸粉係！吸晒蟹汁勁好食😍 2️⃣ 茶燻雞｜乳鴿 嘴刁既boss都話個茶燻雞好impressive, 種茶味係其他地方冇食過～乳鴿即炸, 睇相就知佢炸得幾靚 爆晒油 😍 ...3️⃣ 迷你蝦多士/ 香蔥蓮藕餅 其實炸物都好出色, 做到脆而不膩～餡料勁足, 超多蝦 4️⃣ 焗少爺豬扒飯 最初唔明點解食中菜要叫佢 -.- 原來係必點！拉芝超邪惡😍 其他仲有蒸黑瓜子斑, 豆腐, 湯, 西米露等等～更多

很久沒跟好友飯聚了適逢陳大盜的生日當然要出來賀一賀佢啦！主角好老婆訂到一位難求的飯店吃午餐，我有幸掹衫尾一嚐這米芝蓮推介的美食。 我們要到的是位於西灣河開業十多年的街坊小菜館合時小廚，近兩年也榮獲米芝蓮指南香港必比登推介，菜館門面小小的毫不顯眼內裡地方亦頗為狹逼，樓上樓下加起來也不多於十張檯，儘管如此晚飯訂座非常之滿可說是一位...難求啊！ 主角夫婦被電話拖累要晚一點才到，一眾為食友點來兩客小食吃著等！先上檯有椒鹽鮮魷＄148，外層脆漿炸得香脆不油膩鮮魷口感煙韌富鮮味好吃。 但我更愛這外脆內嫩的黃金脆豆腐粒＄50，面頭灑上甘香肉鬆連同熱騰騰的脆豆腐粒吃真的很難停嘴啊！先嚐了兩口甜頭的我對接下來的菜式更為期待。 終於人齊了首上檯的是份量十足的菜膽杏汁燉豬肺湯＄730/窩，很多人也知我不杏的但這兒的杏汁味道不像杏霜我可以接受。 如果您喜歡有口感的湯這個必定合口味皆因內裡有粒粒的杏仁碎，湯頭鮮香味確甜美配上弄得乾淨的滋補豬肺和淋甜的菜膽很易滿足。 頭盤是口水雲吞伴皮蛋＄138，雲吞賣相飽滿吃下外皮滑捋捋餡料豐腴，皮蛋沒太重餲味亦不是溏心的口感，配上香濃不辣的涼拌汁味道也算不俗！ 然後是韭菜花銀魚小炒皇＄150，小炒皇鑊氣十足炸銀魚仔、蝦乾、吊片，都有各合適的美味咬口，用上揀手的嫩綠韭菜花配搭得非常吸引。 緊接著來的是茶香煙燻雞＄300/半隻用上新鮮雞來炮製，煙燻香氣挺足吃下肉質富有彈性，貪心些來說如可以再嫩滑點便更合我意。 再來是重頭戲雞油花雕蒸馬友＄638，端上檯時香氣四溢加上金黃色相好不吸引啊！那雞油花雕確是甘香迷人，跟油份豐腴的馬友魚一拍即合吃下嘴巴絕沒投訴。 接下來還有香煎蓮藕餅＄208，件頭不弱的蓮藕餅充滿肉香內裡帶上點點蓮藕粒，我個人喜歡蓮藕豐盛的口感多點，如您是不折不扣的食肉獸就啱哂合尺了！ 清清地來一客上湯浸菜芯＄108，嫩溜的菜遠淋甜有菜香伴上清甜的上湯消滯解膩。 單尾還有這客份量超大的少爺焗豬扒飯＄480，熱騰騰的以鑄鐵鍋上檯氣勢逼人，還伴隨了燶邊荷包蛋，海量的焦香番茄芝士鋪面內裡有淋身豬扒，再配炒飯底看得見誠意十足。 但我更喜歡的是這客薑蔥焗蟹煎腸粉＄600，大大隻鮮蟹炒得入味鮮香固然吸引，但墊底煎得香滑索盡精華的腸粉才是神來之筆喔！ 我們的飯後甜品有炸日本番薯＄182，粉淋軟綿的日本番薯炸得恰在此時，沾上糖漿吃更加香甜可口。更多