政Whats噏：批中大校董会驾驭危机能力差　梁美芬：必须改革

3名身兼中文大学校董嘅议员提出嘅中大私人草案，上个月喺立法会首读，押后二读辩论。立法会教育事务委员会主席梁美芬喺一个网台节目中都话中大改革系一早应该做而无做，仲大插中大校董会管理层嘅管理能力、驾驭危机能力，同埋教育年青学生嘅能力欠奉咁话喎。

中大校董会一直畀人批评话校内校董成员过多，而校外校董成员太少，担心咁会导致“校校相卫”。因为咁3个议员校董就提出，建议将中大校董会嘅成员人数约减少三分之一，由55人减至34人，重组后嘅校董会校外成员占大多数，与校内成员数相约，比例约为2：1，即校外成员占23人，校内成员只有11人。

梁美芬同意要改革校董会嘅组成人数，直言中大改革一直应该做，佢话系“宋达能报告”后，好好大嘅学都借手处理校董会嘅问题，反而中大“落后”。事实上，好多大学普遍都至少有50%嘅校董系校外校董成员，但系中大只有17%系校外校董成员，所以好明显睇到“（中大）迟早会出管治问题”。

有份提出私人草案嘅议员邓家彪都话8间UGC院校只系差中大未做，张宇人话“应做而未做系事实”，而中大营运开始8成系公帑，所以要有足够监管先得。

对于有意见话校董会以教职员为主，先可以保证到学术自由同院校自主。梁美芬话咁系“混淆视听”，唔理解咩叫监督。佢话监督就系唔要自己人去查自己人，仲话除非校内校董唔当自己系中大人。如果佢哋系喺中大嘅管理架构的编制，甚至仲要收工资，系唔可能做到好似校外人士一样，可以用客观、冇偏差、冇偏袒嘅角度去实行所谓公众期望嘅监督。佢又提到其实本身有人提出，唔应该再有校内校董，就系当时希望喺校董会内，可以听到校内嘅意见，所以才保留部分校内校董会，行个中间位。

至于有人话中大依家国际排名同学术表现都唔错，点解仲要改。梁美芬就批评中大管理层嘅管理能力、驾驭危机能力，而教育年青学生能力欠奉。佢又话管理层系纵容之后就纵坏，不点名话中大之前有一个前学生会的会长，用粗言秽语闹中国人，但当时校方好似唔敢闹一句，反问如果唔系纵坏，点会有2019年反逃犯条例修订事件搞到咁大单啊。所以佢认为教小朋友，绝对唔可以只系要去学业成绩好。

近年香港流失咗好多海外学者，梁美芬话呢个问题系要正视，但佢以2021至2022年为例，话当年361个流失，但之后都可以补返晒，仲多咗145个。