咁搞笑？劉心悠揀男友最緊要唔識嗌

藝人劉心悠出席電影《有客到》謝票活動，稱近日忙為該片及《燈塔下的戀人》做宣傳，早前自言「唔敢睇」《有》的她笑謂：「我會揀日頭睇。（搵男仔陪？）有啲男子都好細膽，會驚就係會驚。（男仔扮細膽搵你保護？）未試過，咁樣好唔專心睇戲，我會搵一班冷靜嘅朋友睇，咁先畀到安全感我。」

問會否識個大膽男友？心悠笑道：「我又覺得，如果將來拍拖對象驚睇鬼片又Okay，唔需要呢方面好勇感。」記者笑問是否介意另一半怕曱甴？她笑指男友細膽或怕曱甴也不緊要，最重要是對方驚嚇後的反應：「如果佢尖叫就唔得，如果佢驚而又嘗試保護我係Okay，失控就唔得喇，中學都遇過男同學嚇到尖叫。（鍾意Man啲嘅男仔？）其實唔好尖叫就得，唔好顯得我強過佢。」

問到對票房有否期望？心悠說：「我覺得會差少少，因為小學已經開學，希望大家假期完前去睇。」