草蜢拉闊演唱會2016 看後感
話說上星期三晚有幸可以去到睇草蜢嘅拉闊演唱會,全靠影音界巨頭小瑟幫手攞到飛,感激萬分!仲記得對上一次去會展睇拉闊經已係超過十年嘅李克勤x容祖兒,之後咁多年黎都好少睇concert,主要原因係嚇怕咗。想當年去紅館睇周杰倫嘅時候,全晚都比周圍超熱情嘅妹妹仔粉絲們嘅尖叫聲蓋過晒周董嘅歌聲。簡單啲黎講就係無論周董做乜動作講乜都好,佢哋都會係嗌破喉嚨起勢咁尖叫,基本上成晚我都聽唔清楚究竟周杰倫係唱咗啲乜,所以自始之後我就怕咗再去。今次咁難得有飛,又咁多年都冇睇過,而草蜢又係一隊我幾鍾意嘅組合,決定一於去enjoy一番。
https://www.youtube.com/watch?v=huJx10C...