Oneworld 新貴賓室｜繼首爾後，第二間寰宇一家品牌貴賓室於阿姆斯特丹機場開幕

Oneworld 寰宇一家早前於首爾仁川機場，開設全球首個 oneworld 寰宇一家品牌貴賓室，相隔無幾耐第二間品牌貴賓室就係今日(2月22日)！今次新貴賓室選址阿姆斯特丹基浦機場，亦係首個位於歐洲嘅貴賓室，而原址係英國航空於2022關閉嘅舊貴賓室，經過翻新改建後成為Oneworld 新貴賓室。如果嚟緊會坐國泰飛荷蘭嘅話，不妨入去嘆下(首先要符合資格)！

Oneworld 新貴賓室｜繼首爾後，第二間寰宇一家品牌貴賓室於阿姆斯特丹機場開幕

Oneworld 寰宇一家又有多一間品牌貴賓室！繼首爾之後，Oneworld 於阿姆斯特丹基浦機場開設第二間貴賓室，亦係首個位於歐洲嘅貴賓室，而原址係英國航空於2022關閉嘅舊貴賓室，經過翻新改建後成為Oneworld 新貴賓室。

【位置】阿姆斯特丹基浦機場(非神根區部分) 3樓40號休息室
【營業時間】早上5時30分至晚上10時

進入資格

• One World 寰宇一家藍寶石、綠寶石或同等資格會員（例如Cathay Gold/Diamond會員）
• 手持任何oneworld航空公司Business/First Class機票

▼ 阿姆斯特丹基浦機場 One World新貴賓室 (圖片來源：The Design Air)

▼ 貴賓室佔地473平方米，可容納118位客人。採光度十足，亦令室內非常之光鮮！室內有唔少裝潢以拱型設計，同入口處嘅圓拱型設計互相呼應，設計靈感來自於阿姆斯特丹運河上嘅圓拱型石橋。

▼ 唔少坐位都面向停機坪，可以望住飛機升降，好好欣賞靚景。

▼ 位於入口正中位置有一個酒吧，可以望住靚景飲返杯。

▼ Airways Magazine 現場直擊