港姐回帶︱張可頤膽生毛挑機影后袁詠儀

人望高處，做人要有目標，要有理想，做嘢先至有動力！睇番1994年港姐競選，當時嘅候選佳麗張可頤，喺自我介紹環節中，佢竟然「膽生毛」挑機影后袁詠儀（靚靚）！佢先喺台上恭喜當屆評判之一嘅靚靚成為出爐影后，之後佢就話從當日開始，就會視靚靚為佢日後事業上嘅假想敵，擁有雄心壯志喎，令到台下嘅靚靚都笑到見牙唔見眼，拍爛手掌！不過最終張可頤喺當屆港姐競選，只能打入最後5強，未能打入三甲！

靚靚係1990港姐冠軍，仲喺1994年憑電影《新不了情》，以及1995年憑電影《金枝玉葉》，兩度奪得香港電影金像獎最佳女主角，網民都話張可頤如果要視靚靚為對手嘅話，真係加把勁先得啦！