袁偉豪舊愛新歡同場 岑杏賢祝福張寶兒
20171005
東網電視
更多新聞短片
袁偉豪舊愛岑杏賢與新歡張寶兒同場，二人表現大方。
藝人岑杏賢與張寶兒於將軍澳某商場出席活動，二人分別是袁偉豪的前度女友及現任女友，商場以「二人首度同場」作招徠。就現場所見，二人未見尷尬，台前台後都有講有笑，放完紙炮後，她們細心為對方處理頭上的紙碎，並攬實對方的腰合照。
司儀陸浩明問二人如何慶中秋？岑杏賢表示與朱千雪一齊過，而寶兒則與家人慶祝，陸浩明又問二人：「點樣Keep到Tastes（品味）咁好？」岑杏賢指自己心態樂觀，好的品味自然會「黐埋嚟」，而張寶兒則表示有寫日記習慣，從中了解到自己的品味。
到遊戲環節，二人一同製作卡片考驗合作性，陸浩明則謂：「睇吓你哋啲口味會唔會差唔多？」二人在製作過程有商有量，亦有交流，未見尷尬場面！
平常心面對新戀情
岑杏賢受訪時表現大方，直言見到張寶兒時不會覺得尷尬，因二人早前拍攝無綫新月曆時，及羅天宇生日會上都有見過面。談到商場以「二人首度同場」作招徠，她表示娛樂性有時控制不到，更大方祝福舊愛袁偉豪與張寶兒：「拍拖光明正大，祝福佢哋！」
談到被拍得與顧紀筠兒子陳浚霆約會，岑杏賢指已經是暑假期間發生的事：「嗰日唔係食飯行街，係純粹睇戲啫。（感情有着落？）未有，依家單身。（有人追？）唔覺得有，冇理由問人你係咪追我咁㗎嘛，我自己就平常心面對。」
有指袁偉豪與張寶兒拍拖是「女尊男卑」，岑杏賢表示沒有留意報道，但對於舊愛找到喜歡而替他開心，其他事不想評論。