【鐵探】內地網站率先播大結局 梁競徽：相信唔會影響收視
撰文：吳子生
出版：更新：
梁競徽今日（6/5）現身銅鑼灣舉行的無綫重頭劇集《鐵探》之「終極一戰」造勢活動。提到劇集星期五（10/5）將會大結局，競徽透露自己都沒有時間追看：「因為我個囡仲細，唔係太適合收看，所以我好多時都冇得睇，有時候要等佢訓咗先睇，變咗睇下又唔睇下咁，遲下我會出埠做嘢，到時收咗工之後，可以睇返晒咁多集。」
梁競徽透露一家3口，日前和母親食晚飯慶祝母親節。（梁碧玲攝）
梁競徽在劇中飾演一名爛賭警長「快活谷」，演技令人眼前一亮，網民紛紛留言激讚演技大爆發。競徽開心表示：「得到大家鍾意我係好開心，其實我仲有好多地方要改善，同劇嘅演員都演得好好，因為我哋好早就齊晒劇本，咁所以大家嘅準備功夫都做得好足夠。」（內地網站一早播完，會否影響收視）競徽表示：「相信唔會影收視，因為要在內地區域先可以登記做VIP，先可以睇得咁快啦，咁所以喺香港睇唔到嘅，因為我自己都登記咗，諗住快啲睇，但原來係睇唔到嘅。」
競徽表示稍後會離港數天，為電影工作拍攝。（梁碧玲攝）
+9