30
8
2
11-min walk from Exit B, Mong Kok East MTR Station
continue reading
Telephone
27611123
Payment Methods
Above information is for reference only. Please check details with the restaurant.
🫣期望越大失望越大|📍嘉多娜(何文田)❤️🔥據説何文田嘉多娜舊店裝修之後變大間咗,仲推出埋何文田分店限定新品👑國王蛋撻👑3點半去到已經有十幾個人開始排隊🫡排咗半個鐘臨近中暑終於買到🥵咁到底味道係點呢🧏🏻♀️注意事項:❶國王蛋撻係何文田分店限定❷每日下午4點出爐❸每日供應100個/不定期增加產量(當日有150個供應)❹每人限買4個♡國王蛋撻♡|💰$25國王蛋撻係酥皮底💓不得不提酥皮真係相當酥脆而且層次分明💛但可惜無乜香味🥲內餡用咗日本乳酪mix埋嘉多娜嘅招牌布甸漿,所以食落唔係甜味為主😳兩者混合下淨食到有微微鹹香😳但趁熱食仍然有流心口感,打卡嚟講的確幾靚🥹喺室溫放耐咗再食多個,味道就變微糖版布甸漿嘅甜味🫣總結:如果唔洗排隊嘅話的確可以一試,即使1個人食都唔會覺得甜腬🫶🏻但要咁熱嘅天氣排隊真係唔值得,相信內餡如果用返原先嘅布甸漿會更加好食🫶🏻個人會覺得原有嘅布甸包/泡芙會更出色
continue reading
早排白種元嚟香港四圍搵美食,拍嘅片陸陸續續係 YouTube 上架,最多人談論緊係去土瓜灣陽光餐廳果集啦!白種元係邊個? 韓國大廚一名!最新一集 "好餓啊_香港" 第六集,佢地一行人去咗油麻地八文樓嘉多利餅屋,想話買法式布丁包,可惜行咗兩轉都買唔到!今日去開八文樓,咪順便買嚟試吓啦,其實我唔多好布甸,嘉多利都係第一次嚟幫襯.入到餅店,女侍應話買布甸包要排隊,但所有味都有齊! 吓? 有齊? 我仲以為得一款味咋! 咁有咩味呢? 於是侍應攞D牌出嚟,原來有法式布甸,合桃朱古力,開心果泡芙,泡芙布甸.我只係買咗合桃朱古力,開心果泡芙同泡芙布甸.20蚊一個話平唔平,鬼叫我窮咩! 食完睇佢值唔值先!食哩D布甸包應該用隻匙羹嚟慢慢享受,唔係好似我咁一手𢲡起個包就放入口,咁無儀態食結果就緊係食到好狼狽.每款布甸包內餡都起軟滑,入口即溶,朱古力味係我杯茶當然最欣賞朱古力味,而且朱古力味夠香濃.由於食到好狼狽,所以暫停賽事! 上半場將食咗法式布甸同朱古力味,開心果味放入雪櫃留翻下半場食.雪咗大約四個鐘嘅布甸包變成另一種口感,比較似雪糕口感,而且甜度就減咗D,但容易D食.食完之後,20蚊一個包雖然貴但物有所值,最起碼足料,味道同口感都唔錯.即時替白種元不值! 山長水遠嚟到而咁正嘅布甸包食唔到超可惜!嘉多利仲有其他麵包,賣相都唔錯,下次再嚟試試其他麵包再出文.
continue reading
#搞串個pantry開心果迷💕要密切留意啦!今次又試食開心果味甜品🍬,今次嚟到一間餅店推出嘅泡芙🥯,當中有#開心果 味,不過係限時限量供應,仲要唔肯定每日都有㗎😎。今次我哋試晒佢出嘅兩隻味,分別係雲呢拿味泡芙($20)同埋開心果味泡芙($25)😋。價錢嚟講,同平時市面泡芙專賣店相若。不過賣相方面,就冇用鮮果🥭,或者其他醬料裝飾,泡芙外型亦都比較扁塌塌,不過望落份量的確幾大個,望到都流晒口水呀🤤!雲呢拿味泡芙🌟🌟泡芙嘅皮唔脆,腍身嘅,所以食落去外皮嘅口感麻麻哋。而入面嘅忌廉份量好充足,一咬落去好濃郁、好邪惡呀😈!忌廉嘅雲呢拿味係傳統嘅雲呢拿調味,食落係奶粉味😋,鍾唔鍾意就睇大家嘅個人喜好啦。而忌廉嘅質地偏向杰身,食得出脂肪嘅比例比較多,同市面上其他日式或者西式嘅質地唔同,呢個偏向港式西餅嘅味道、同埋口感🤩。開心果味泡芙🌟🌟🌟開心果味泡芙嘅皮同樣都係唔脆,不過最頂灑咗開心果粒,望落去好靚💕,而且食嘅時候更加可以食到開心果粒混合埋泡芙嘅其他部份,增加咗整體口感,幾好食㗎。而入邊最關鍵嘅開心果忌廉同樣都係偏向杰身,同埋份量好多。食得出開心果味,但係唔算非常濃郁,不過甜度適中,味道都唔錯🥳。如果大家有興趣,可以下晝2:30,或者下晝6:00去問下店員,都可能會有得賣㗎🤤!價錢💰:5.5 /10味道😋:7 /10口感🫦:6.5 /10賣相🍽️:6 /10環境🪴:6 /10推薦指數❤️:6.35
continue reading
好似係何文田呢間分店冇咁多人買, 去到時只排了幾分鐘就可以買到, 所以買左兩款人氣麵包試下。原味法式布甸包 $15由買完拎返屋企放入雪櫃雪左兩個鐘左右, 食時將布甸包放左入焗爐焗兩三分鐘🍮有種冰火交融既口感, 外面既麵包有微暖, 而入面既布甸則係凍。麵包唔硬有少少脆🥖布甸就香甜滑溜, 好好食, 不知不覺成個食晒。開心果脆脆泡芙 $25泡芙面有好多開心果碎🤩而泡芙個皮比較淋身, 兩種口感加埋一齊又唔錯。而中間既開心果cream有好香既開心果味😎而且咬落去會流出黎, 成個食完感覺輕盈又唔會太膩。
continue reading
Score 總分: 80又一大家可能試過,又係傳說中大佬級別嘅 - 法式布甸包。想當年,嘉多那 一出此包包,人氣勁爆。直到依家,相信都係這間店舖嘅 鎮店之寶,所以,晚上九點都還有得買,可見佢整左幾多個? 其他包包就.......唔好提啦~ 因為唔見其他人介紹,所以搞我都冇咩興趣試食。如果大家有時間,有胃酸,有空肚,不防試完話我知。那.....我真係唔係外表睇包包,所以,九點見到咁嘅包皮而唔試食嘅! 先小小人,後偽君子! 講明先! 總結: 個布甸包,好味! 食完回頭率1000 (總分1億兆 呀!~ 喂!講笑,咪當真) 試下,唔坤你,完!
continue reading