李治廷久違在港公開獻唱 自稱「玻璃心」擔心觀眾反應 於2009年以歌聲身份出度嘅李治廷(Aarif)近年專注內地發展,並以戲劇為主,事業有聲有色。今年3月Aarif自爆結婚後斷續留港工作,呢日佢重拾歌手滋味,喺宣傳活動上自彈自唱自己創作嘅新歌,感覺依然,Aarif話:「好耐冇喺香港唱歌,對上一次已經係七年前衛蘭演唱會上合唱,今次好開心同觀眾近距離見面。」 Aarif演出得到各方鼓勵同支持,透露有意認真重啟歌唱事業,尋找昔日做歌手時足跡,仲預告稍後會有個小驚喜帶畀大家,但一講到會唔會想開騷?Aarif就笑笑口話:「我非常之想,但我又好玻璃心,音樂呢樣嘢要有強大嘅內心,等我諗諗,寫歌先,再計劃點做,多謝大家支持我嘅音樂。」 聽得出Aarif對唱歌仍然有股熱誠,fans知道都會好開心。不過原來Aarif屋企人並唔支持佢唱歌,仲會被家人「禁咪」,一開口唱歌就會被制止,搞到佢好鍾意趁住自己出門口入𨋢時唱不停。 #李治廷 #玻璃心 #自彈自唱 #歌手 #結婚