張敬軒為歌迷會爭取門票 疑真身留言 ：我舊年一個人墊咗幾百萬
撰文：林得懿
出版：更新：
張敬軒每次開騷都係黃牛賺錢好時機，而為咗令歌迷可以買到飛，佢都花了不少心思。（資料圖片）
張敬軒將於今年聖誕至誇年舉行10場《REVISIT 張敬軒演唱會》，為咗唔使歌迷食炒價，軒公特地預留20號場次嘅部分門票予歌迷會訂購（會員按級別購買一或兩張門票)。
微博流出疑似軒公嘅留言。
有歌迷對於銀級會員只可買一張飛而感到不滿，亦有部分歌迷有好過冇，各持不同意見。日前，微博流出一段疑似係張敬軒的留言：「大家要知道，凡係經hcfc(即軒仔官方歌迷會)嘅門票，都係我個人先墊資購買，票房先會放飛出嚟，為咗令大家買到票，我舊年一個人都墊咗幾百萬，攞到咗實體門票了，hcfc先至夠膽放畀大家買。一個演唱會嘅舉行係有好多行政手續同埋相關行業規例……有啲我改變到，有啲我改變唔到。所以希望你明白侍張hcfc嘅門票都來之不易。」
姜濁、Ian、Jer先後現身《張敬軒THE NEXT 20演唱會》，令門票被炒至天價。（資料圖片）
事實上，軒公今年嘅《張敬軒THE NEXT 20演唱會》，有騙徒指姜濤將擔任嘉賓，並以44萬「癲價」出售門票，軒公同姜濤其後各自發帖否認。《香港01》就留言曾向張敬軒查詢 ，但暫時未有任何回應。