蓮香棧

營業中

休息中

話説以前係中上環成日路過但到最後都無食蓮香樓，見係荃灣開左一排，近日終於有機會試下。分店由於係商場裏面，燈光比較充足，但其擺設仍然盡量緊貼總店走傳統風格。一架架點心車係你面前走過（雖然得幾部），但仍然可以有細細個去茶樓既感覺。一坐低，先隨意叫左以下點心：1）叉燒包 - 味道不錯，稍欠賣相2）炸春卷 - 傳統味道，驚喜欠奉3）豬潤燒賣 - 用料扎實，口感不錯4）蝦腸 - 蝦都算大支，但粉皮稍微厚左d之後，經樓面阿姐推介，叫左碟菜遠班腩飯。阿姐推介話平時多人叫，而且係用新鮮魚腩做既。果然，一入口已經食得出係比平時餐廳既班腩滑同有質感，配上醬汁，味道不錯，然而搭上近百元的價錢，性價比則見人見智。最後埋單人均90蚊，鑒于其係商場開鋪，尼個價錢都算可以接受。

鴨腳扎 大大隻！腐皮係精華！入面仲有件荔芋！好粉！鴨腳夠入味！山竹牛肉 唔喺我杯茶，唔多鍾意咁淋嘅口感仲要加咗芫茜 添！牛肉燒賣同山竹牛肉一樣唔係我杯茶～味道有啲相似！鳳爪都幾大隻！所以食起黎覺得好多肉（皮）而且無乜碎骨～夠入味！蒸排骨份量少啲，都係啲油膩野但啲肉整得好入味同好腍！

Have been buying babe bbq ribs every week, used to visit BBQ meat shop and restaurants in Mei Foo, Tsuen Wan, Jordon, Cheung Sha WanToday is the 1st time to the 蓮香, priced $89 for half pound. ask for one rib, charging me half proud before weighted; $89 plus $2 for takeaway (smell ripoff). They gave me a small box with 80% filled, way less then the usual one fully filled lunch box vs others place.I asks for weight it, the chief show me in their scale. The scale shows half pounds but its the non d

我家搬屋呢個大project已經接近尾聲， 終於可以喘口氣喇😁。是晚跟所有有份參與搬屋嘅家人去食返餐正經家常飯， 原本想去大連鎖酒樓嘅， 但行過綠楊坊，忽然見到呢間蓮香棧😍😍😍。呢間係正品嚟， 老店我地全家由細食到大，直至我地由上環搬去沙田先至冇乜再去幫襯啫。不過我地最近一直都外出用膳冇住家飯食， 腸胃都有點滯膩，所以都唔敢點太多餸。只點了個鍋貼大明蝦、紫薑炆排骨、龍躉兩味、欖菜肉碎四季豆、最後以西米布甸作結😋😋😋🤭。唔知係咪太耐冇食呢？🤔我覺得味道同以前唔一樣，只算不過不失，冇乜驚喜，但性價比仍然甚高。

住左荃灣好多年，都小去綠陽坊，可能因為對我住個邊比較遠，但今日同老豆老媽子食下午茶，我又唔想帶佢地佢咁普通酒家，之前有睇過中環間蓮香樓因爲重建，好像話2019年中就結業，佢間野評價高，所以特地來佢分店蓮香棧試試，試左幾款，味道好好，尢其是大包，舊式大包，餡料好多仲有蛋係入邊，非常特別，其次就金錢雞即是雞肝，入口好特別，味道好好，但因為有舊大肥肉係度，所以建議老人家唔好食咁多，味道好，環境感覺都好懷舊，仲有人推車仔，好難搵架啦。支持舊店。

今日同老婆外父飲茶，原本高高興興慕名而至，開始還是很好的，直至上了招牌點心，猪潤燒賣，變成猪潤橡筋燒賣，我在食猪潤燒賣時竟然食出橡筋來，如此老字號。。。。。堂官大人說給我補過一碟，說聲唔好意思，就當冇事發生一樣，想想_____換轉是你們會如何？

老公放大假，太得閒要消磨時間，所以就去了屋企附近已開張了幾個月的蓮香棧，諗住嘆吓茶慢慢坐。蓮香棧的裝修陳設都很懷舊，而且跟以前的茶樓一樣，推著車仔賣點心的。我們食了鳳爪，叉燒腸粉，蝦餃，燒賣，棉花雞和馬拉糕；全部都真材實料，好好食，絕不是那些批發貨色。唯一美中不足是要搭檯，太多人站著等檯，令人有點不自在，食飽也不好意思多坐，要快快埋單走人。

兒時隨父親去茶樓飲茶，是一件賞心樂事，因那年代生活艱難，飲一餐茶已花去父親的半日工資；所以去飲茶次數，屈指可數。故此茶樓的情況到今天還深深印在腦海中。前兩天弟弟剛從台灣回港探親，而荃灣又剛開了間蓮香棧，從名字可以得知係蓮香樓嘅分店。其內部裝修秉承蓮香樓嘅風格，令人有時光倒流嘅感覺。而且茶具餐枱同我細個嗰時一模一樣，女樓面幫我地沖茶嗰時叫我地唔好飲第一趟茶，咁樣明顯同以前舊式茶樓飲茶嘅風格一模一樣，而點心方面，都好似以往以點心車叫賣。叫咗幾樣比較普通嘅點心，因爲我想比較一下其味道同依家其他現代酒樓嘅出品。食後，雖然沒有帶給我驚喜，但味道卻勾起我兒時嘅回憶。

發現荃灣開左蓮香! 即刻去試, 去到要自己搵位架原來, D TABLE AND CHAIR都係舊茶樓的樣貌。叫茶可以係一壺OR 一盅, 有趣!呢度D 點心係推車仔的, 我已急不及待去問下點心姨姨有咩食。凡有新鮮炸物出爐,佢地都會叫賣, 問我地食唔食, 好得意。UN春蛋燒賣: 懷舊點心必食之一。有3粒, 賣相同味道都正正常常灌湯餃: 有2隻細GE餃, 另外俾湯你, 你自己倒湯落隻餃度一齊依。個皮太厚同硬, 入面D 餡有蝦, 豬肉同菜式, 個湯同隻餃都無乜味, 麻麻。炸雲舌: 一碟有4大隻, 熱辣辣夠香口。抵食。千層糕: 另一懷舊點心, 叫佢地叫賣, 即刻去拎, 用碟子裝住, 見到一層層奶黃, 食落除左奶黃, 原來入面有D 咸蛋碎同椰絲,如果無咁甜就更好。今次食唔到麻容包, 又食唔落牛孖筋, 下次要再試。我仲見到佢地拎幾碟金錢雞出來, 真係好多懷舊野食呀

看了很多報導才來。。。誰知。。。點了炸雲吞，雞球大包，叉燒腸，豬潤燒買。買了腸粉才記得有豬潤腸。其實非常普通，粉厚粗糙沒米香。炸雪吞香脆，入面放蝦仁是驚喜。雞球大包，多料但味道普通。豬潤燒賣豬潤過熟有點鞋口，味道還可以。想吃焗布甸，可惜一至五才有。坐廳房加一，不用搭枱價錢ok，150元。。。

入到去開完位之後 試下D茶得唔得先 飲落都唔錯 用返傳統既點心車去出點心 呢樣我幾BUY既 不過衛生麻麻 D餐具好多都油油地  食物質素都OK既 不過味精重 食完會超口渴 埋單計數 我自己一個人都食左成百蚊 認真唔平呢間點心 性價比低左小小

難得有古色古香的正宗茶樓在家附近 當然要去吃😋.中環那家就吃很多遍了荃灣的倒是第一次吃。.茶樓保存了香港的傳統文化 - 推車仔點心現在新式茶樓已沒有推車仔文化了都是在紙上寫好要什麼再送過來這樣的。還記得小時候喝茶都是有推車仔的..也有整整20年了。.點心很好吃鳳爪大隻 蝦餃飽滿腸粉皮不厚叉燒挺多 足料。另外還有點綿花雞 角仔 馬拉糕等等當時太餓就馬上吃了沒拍照全部都不錯的😋

今日和老婆, 外父和外母和荃灣蓮香棧飲茶,我們點了蝦餃, 燒賣、魚翅餃、千層糕、金錢雞、叉燒腸、蝦腸、芝麻糕、鴨腳包、朱潤燒賣、咸水角、灼菜和叉燒飯。蝦餃和燒賣熱辣辣, 大大粒；魚翅餃現在很少酒樓有此點心, 食落有紅蘿白和粉絲食落美味；千層糕賣相吸引, 甜度適中, 食落軟綿；金錢雞很懷的特式,有朱潤, 肥叉燒和肥朱肉一起燒, 食落齒頰留香, 蜜汁甜度美味, 朱潤肥叉和肥朱肉肥而不膩, 食落惹；鴨腳包是另一舊菜式, 鴨腳包著朱腸煮成, 食落鴨腳惹味, 朱腸味道甘香, 味道不錯；朱潤燒賣另一懷舊小食,10時一出爐, 好多人去取, 朱潤熱辣辣肉質鮮甜, 燒賣食落啖啖肉好爽口；叉燒腸和蝦腸食落爽滑, 鮮蝦彈牙叉燒肉鮮甜；咸水角炸得香脆；芝麻糕芝麻味濃, 食落甜度適中；灼菜生菜新鮮爽口；叉燒飯很有特色, 可以要求不切原條放在白飯上. 叉燒半肥瘦食落惹味爽口, 有油花, 白飯軟綿。酒樓食物美味, 有很多懷舊美食例如魚翅餃,千層糕、金錢雞、芝麻糕、鴨腳包、朱潤燒賣和原條叉燒飯, 外外母食了很多兒時點心很開心。酒樓不設加一, 如貴賓廳則加一收費, 另外, 酒樓是自己自行找位, 令自己想起兒時和家人往酒

😬又跟媽媽👩🏻去飲茶不過飲茶點可以咁求其加黎呢度食就最好不過 💡從來都唔太鍾意好噪既地方 但就好鐘意飲茶熱熱鬧鬧既氣氛古法鴨腳包 初頭以為係刈包咁 原來係鴨腳包住鴨腸 ，鴨肝 同叉燒 然後黎去燒 非常唔簡單既功夫 口感有點搞笑 ‼️硬肉得黎仲會帶點肥肉既爽口質感 比起一般燒味 更有層次 肉更多汁 但重點係冇太大感覺到係肥膩 反而係油香 惹味個隻😊另一考起師傅既菜式 必定係金錢肚 小編係後尾食完買既 師傅話用微波爐叮2叮就食得 雞肝，叉燒同肥肉串連一齊 外脆內軟（尤其面頭塊肥肉脆脆地 好香口🤤）有d後悔點解小編唔出生早到食到d咁好既食物黎到蓮香棧 點少得蓮蓉包 一擘開個飽 蓮蓉爆餡 蓮蓉夠實淨 飽到似食月餅🧐果然真。材實料呀牛栢葉做得一d都唔馬虎 咬落相當爽口😝一定要食！環境雖然有點兒逼 裝修又唔見咩富麗堂皇😅 檯面同餐具有些少污穢 不過勝在有份親切感 除左點心卡有舊式咁蓋印 餐牌仲會用舊時用開既花碼 🤔有蓮香棧既舊式茶樓係香港已經買少見少 🙍🏻‍♀️老師傅擁有傳統精湛手藝更廖廖可數 於是唔少專誠到訪一嘗舊時味道其實一班人聚下舊 懷愐昔日既日子係幾咁好既一件事黎😌

食過中環蓮香, 但嫌太殘舊太污糟, 唔乾淨, 見係荃灣新開咗, 所以去試吓, 地方的確係乾淨咗, 食物亦可保持水準, 只是服務一般, 總體來說, 不過不失啦。鳳爪比較突出, 有柚皮在下面, 味道不錯。