【兒童及幼兒暑期興趣班推介2024】

暑期興趣班【適合兒童及幼兒】

望子成龍，係每個港爸港媽嘅心願，雖然家長本身已經係孩子嘅學習對象，但透過唔同嘅兒童暑期興趣班或訓練課程，可以令孩子的身體、精神及心理得到全面發展，香港有好多形形式式嘅兒童暑期興趣培養課程，琳琅滿目，咁唔同年齡嘅小朋友，幼兒又適合咩種類嘅興趣班呢？適逢踏入暑假，小朋友可以透過興趣培養過程有所寄托，比日日用手機掃嚟掃去渡日嚟得更充實，更有意義，最重要係同小朋友一齊參與，可以增進親子密度，家長亦要留意，參加暑期興趣班主要係發掘孩子的興趣及擅長，唔係見暑假是但學下野就算，一旦發現孩童嘅興趣，應該繼續支持孩子發展。

暑期興趣班【半歲至1歲嘅嬰兒】

嬰兒游泳興趣班

小朋友在半歲至一歲階段，面對學咩好呢個問題，還擇唔多，比較多人考慮嘅係嬰兒游泳班，對半歲至一歲嬰兒來說，百分之七十嘅刺激來自五感中嘅觸覺，寶寶游泳期間，透過池水跟身體嘅全面性接觸，有助提升寶寶嘅觸覺發展，除此之外，游泳屬於全身運動，要知道手腳嘅運動係大腦發施號令，所以游水唔單止有助發展嬰兒手腳嘅協調性，同時發展腦神經，提高孩子專注力，當然，咁細個做運動，必須專業教練陪同下進行。

詳細資料

香港體育會

地址：青山道680號W668 1708室（荔枝角站C出口）

電話：2417 2575 / 6538 8358

網站：https://hksportass.com

1歲至3歲幼兒興趣班推介

幼童繪畫興趣班

1歲至3歲小朋友慢慢開始對不同嘅顏色同形狀有興趣及印象，雖然幼童未有能力充分表達自己想法，但繪畫係唯一一樣最能表達佢腦中所想嘅方法，小朋友會願意多花時間喺畫畫上，係因為佢手中嘅每一筆，對佢黎講都有濃烈嘅成功感，而繪畫興趣班能激發小孩想像力，同時促進手腦協調。

詳細資料

Art Vacation

地址：https://goo.gl/maps/ym4Wcqut2iqn5ADZ6

電話：5611 6048

網站：https://artvacation.com.hk/children-art-class/little-artists-art-course/

幼童音樂唱遊班

音樂唱遊主要增進小朋友聽力，配合唱歌及身體律動，增強專注力及鍛鍊自信心，旋律比起文字更容易令幼兒加深印象，無形中發展孩子的記憶力，據研究指出，音樂對幼童左腦發展有脾益，左腦管語言能力，對於正在學習說話嘅小朋友有絕對嘅幫助。

詳細資料

葉氏兒童音樂實踐中心

地址：http://www.yipshk.com/zh/contact-us

電話：2881 0071

網站：http://www.yipshk.com/

幼童語言興趣發展

孩子踏入2歲開始，會進入語言吸收嘅敏感時期，好多小朋友2歲開始學講嘢，呢個時候開始接觸外語非常適合，喺香港，好多家長擔心小朋友早接觸外語，會學不好母語，最後兩個語言都學唔好，其實杞人憂天，孩子生活嘅環境被母語包圍，耳濡目染下，母語唔會學唔到，而響呢個語言吸收嘅敏感時間，多認識一種外語，能降低未來讀書時對學習英文嘅抗拒度，但切勿跟小朋友說話時經常中英混雜，咁樣先係小朋友學唔好兩種語言嘅主因。

詳細資料

香港幼兒教育及服務聯會

地址：https://goo.gl/maps/BbGUcvxAUHB8bvXP9

電話：2788 1666

網站：https://hkceces.org/

3歲至6歲嘅兒童暑期興趣班推介

孩子踏入3歲，由幼童升呢到兒童，無論身體協調性、體力、柔韌度、專注力、記憶力等都會升呢明顯提高，就連小朋友自己都會注意到自己能力提高，出現反叛、自我等性格，成功感不再局限於表達自己，而係表達自己後得到認同及關注，學習武術及體操，除左強身健體，增強抵抗力及免疫力外，學習服從亦係最大重點，伴隨武術或體操訓練，服從教練每一個指示，取得成果受到讚賞表揚，增強服從度及建立自信，對小朋友身心發展非常緊要。

兒童武術培訓興趣班

嬰幼兒心理發展協會

地址：https://www.cpda.com.hk/contact-us.html

電話：3106 0960

網站：https://www.cpda.com.hk/course-martial-art.html

兒童體操培訓興趣班

英基兒童體操班

地址：https://www.esfexplore.org.hk/ch/ourlocations/

電話：2711 1280

網站：https://www.esfexplore.org.hk/ch/program_category/%E9%AB%94%E6%93%8D/?gad_source=1&gclid=Cj0KCQiAzoeuBhDqARIsAMdH14HDtcpmn3bSzFdcaG0e3gApiMNCocLxPGq-5Kgsz-KyU8TQb36bSAIaAjHsEALw_wcB

兒童舞蹈興趣班

除左武術、體操興趣訓練班外，兒童舞蹈興趣班都屬於放電式，暑期興趣班一旦達至放電效果，夜晚睡眠質素都會有所提高。之前提過，小孩從少接觸音樂及律動對腦部發展嘅好處，由律動到學習舞蹈會更加得心應手，舞蹈訓練一樣可鍛鍊孩子體能及柔韌度，更甚嘅係學習與人相處，兒童舞蹈多是群體合作，學習點樣同人合作、團體配合及服從指令，同時亦能發揮創意，可能因為一個暑假，你會發現你生左個潛在嘅天王巨星。

詳細資料

Sano Dance Studio

地址：https://www.sanodance.com/p8.htm

電話：2117 9207

網站：https://www.sanodance.com/

兒童烹飪興趣班

如果小朋友唔屬於好動派，參加暑期烹飪興趣班會係唔錯嘅選擇，好多家長怕廚房危險，避免小朋友接觸烹飪呢個范疇，但孩子學習烹飪有助提高創意，而且烹飪前嘅準備，烹飪後嘅善後功夫，無不在訓練孩子嘅自理能力，自理能力高嘅小朋友一般比較獨立，烹飪過程中家長只要伴隨左右，危險性就可以大大減低。

詳細資料

香港新東方廚藝培訓

地址：https://goo.gl/maps/N3e7Jt5BkvgGu6mK7

電話：5226 5880

網站：https://www.hknobs.com.hk/product-category/%e5%85%92%e7%ab%a5%e7%83%b9%e9%a3%aa%e5%a4%a9%e5%9c%b0/

6-10歲嘅兒童暑期興趣班推介

暑期運動培訓課程

孩子踏入6-10歲，尤其如果從少就開始培養興趣嘅小朋友，基本上對於自己想發展嘅興趣已經有方向，如果由6-10歲先開始發展興趣，都唔算遲，選擇仲多添。呢個年齡層嘅小朋友喺表達能力，思維上都比較成熟，如果喜歡運動，足球好、籃球好、乒乓波等，如果趁暑假正式感受訓練，鼓勵孩子發展，隨時將來可以代表學校比賽，而且出色運動員對將來升學亦有幫助，當然，前提係小朋友要有興趣先。

詳細資料

香港兒童綜合運動發展總會

電話：5404 4667

網站：https://www.facebook.com/P20192/

陶瓷制作興趣班