【歌神都要執二攤】陳奕迅《四季》原唱你一定估唔到 | on.cc 東網 | LINE TODAY

請更新您的瀏覽器

您使用的瀏覽器版本較舊,已不再受支援。建議您更新瀏覽器版本,以獲得最佳使用體驗。

娛樂

【歌神都要執二攤】陳奕迅《四季》原唱你一定估唔到

on.cc 東網

更新於 2021年06月04日16:03 • 發布於 2021年06月04日16:03 • on.cc 東網
Eason喺《新秀》一戰成名!
Eason喺《新秀》一戰成名!
佢唱過好多金曲,不過《四季》原唱者並唔係佢!
佢唱過好多金曲,不過《四季》原唱者並唔係佢!
原來係模特兒蔡穎恩。
原來係模特兒蔡穎恩。
點解歌曲換人成日都係Eason身上發生?
點解歌曲換人成日都係Eason身上發生?
陳慧琳同Dry嘅《紀念日》,Wyman手稿顯示佢哋唔係原唱!
陳慧琳同Dry嘅《紀念日》,Wyman手稿顯示佢哋唔係原唱!
當年呢首歌都唱到街知巷聞。
當年呢首歌都唱到街知巷聞。
Wyman手稿顯示原唱係李樂詩同鄧建明。
Wyman手稿顯示原唱係李樂詩同鄧建明。
Wyman都話好詭異。
Wyman都話好詭異。

歌神陳奕迅(Eason)於1995年參加《第14屆新秀歌唱大賽》奪得冠軍,佢嘅金曲如《K歌之王》、《明年今日》、《富士山下》……首首都膾炙人口。2016年,佢完成歷時3年多嘅世界巡迴演唱會,估計佢喺134場嘅演出中,吸金逾2億港元,身家暴增。

歌神有靚歌,但原來佢有好多金曲都並非原唱,亦有本來係屬於佢嘅歌,無啦啦畀咗人。當中佢喺2016年推出嘅《四季》,當年橫掃樂壇多個大獎,原來呢首歌算其實係一首翻唱作品,原唱係邊個你估都估唔到,就係模特兒蔡穎恩(Evelyn),佢早喺2014就已經唱過呢首歌,因為反應不似預期,喺MV首播後就無限期擱置歌曲宣傳,Eason話:「當時喺創作人同蔡穎恩同意下,先徵用《四季》。」

咁Eason又有邊隻歌原本係佢唱,而轉咗畀人?就係2002年葉蒨文復出樂壇之作《傷逝》,呢首歌更贏得當年「四台聯頒音樂大獎-歌曲大獎」。Eason透露,自己一早已經留起《傷逝》Demo,並有意灌錄成歌,但因應唱片監製安排,一直未能成事。直到葉蒨文示意希望錄製《傷逝》,佢先放手割愛:「咁我又覺得冇嘢嘅,佢咪唱咗先囉,我可以翻唱嘅啫。」

Eason歌曲轉畀其他歌手,又豈止咁少?曾言只以15分鐘創作《富士山下》嘅音樂人澤日生曾大爆,《任我行》原來都唔係Eason原唱,唱片公司一度屬意關楚耀唱:「其實呢首歌我最初係諗住寫畀Eason嘅,另一首《舊好》係畀關楚耀,我作《任我行》嘅時候,我知道唱片公司諗住將《任》畀關楚耀,但係最後都係Eason唱番,有時係會遇到呢個情況。」

其實唔只Eason成日遇到對調歌曲嘅情況,當年天后陳慧琳(Kelly)同組合Dry(雷頌德及馮德倫組成)唱到街知巷聞嘅《紀念日》,屬意邊個原唱有段古。填詞人黃偉文(Wyman)喺社交網分享「Y手稿」時,發現《紀念日》手稿上主唱欄寫嘅,並唔係Kelly同Dry,而係李樂詩與鄧建明(Joey Tang)。Wyman都覺得呢件事非常詭異:「我試圖回想,連我自己都彷彿記得這首歌接order時明明是被委派寫給 Kelly 和 Dry 的……但鐵證如山,冇可能我當日撞邪亂寫兩個歌手名上去啩?亂寫都不可能這麼巧合剛好是當年同一唱片公司的這兩位吧?」

雷頌德就堅稱《紀念日》係寫畀自己所屬嘅Dry同Kelly:「題材真的是比較適合Dry同Kelly,我翻查過李樂詩同鄧建明冇合唱歌,而結他部分我都係寫畀自己彈。」

東網網站 : https://on.cc/

東網Facebook專頁 : https://www.facebook.com/onccnews/

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0