fionalee

0愛的鼓勵 0訂閱站台

減肥療程邊款好？4大方面分析熱門美容院療程：NuMe 隔空溶脂 V.S. Perfect Medical CoolShaping 冷凍溶脂

無論係咩季節、咩時間，減肥對每個女仔嚟講都一樣咁重要，夏天個陣因為要著小背心、比堅尼就要快啲減肥，冬天就因為打得邊爐、食得嘢多，要Keep住身形唔肥落去，真係一年四季、365日，無時無刻都係到減緊肥架~不過個個女仔都減肥，又真係個個都識減肥？

 

減肥方法何其多，相信好多人都試過節食減肥、跑步減肥、做瑜珈減肥等等，原理離不開「食少啲、郁多啲」，不過講就易，做就難，有幾多個OL真係可以每星期做足3次、每次至少30分鐘嘅帶氧運動呀？唔少女仔因為坐Office，變相食得多、郁得少，收咗工已經好攰，試問仲邊有咁好精力去跑步做運動呀？

 

所以好多美容院嘅減肥療程，都好受到OL歡迎~唔洗點郁，攤係張床到碌吓儀器機，就可以定位減脂，有啲療程仲可以想瘦邊part就瘦邊part，最多配合吓飲食，減肥效果就可以快見效好多，你都咪話唔吸引~

 

不過而家咁多減肥療程，到底邊款真係有效，又唔會好快反彈呢？我身為一個每一分每一秒都減緊肥嘅OL，當然都試過唔嘅瘦身療程啦~最近見到有2款幾Hit嘅療程都係Facebook洗曬版，身邊好多朋友都心郁郁去試添，一於同大家分析一吓呢2款減肥療程有咩唔同，同埋究竟邊款性價比高啲啦！

 

NuMe 隔空溶脂 V.S. Perfect Medical CoolShaping 冷凍溶脂：技術

 

今次想同大家分析嘅，分別係NuMe 隔空溶脂療程，同埋Perfect Medical CoolShaping 冷凍溶脂療程。如果有留意開瘦身療程嘅朋友，應該都聽過呢2種技術~究竟呢2種技術有咩唔同？邊種好啲呢？

 

首先講吓NuMe 隔空溶脂先啦~有名你叫，隔空溶脂即係係無須用儀器掂到你皮膚嘅情況下，都可以透過能量，做到溶脂修形嘅效果。之所以能夠隔空都溶到脂，係因為療程可以自動追蹤脂肪嘅位置，再發放RF射頻能量，加熱脂肪層。受熱嘅脂肪組織會好似「壞死」變成無用嘅細胞，再由身體嘅自然代謝排走。

 

隔空溶脂係比較新式嘅溶脂技術，算係近幾年先至引入嚟香港，NuMe 隔空溶脂好就好在唔洗掂到皮膚，唔洗擔心皮膚會又紅又腫，雖然好多外國資料都顯示佢有效減肥，不過始終唔係掂到皮膚，究竟有幾多能量真係入到脂肪層呢？呢一個問題我就留返俾大家諗諗啦~

 

講完NuMe 隔空溶脂，我地就嚟睇吓Perfect Medical CoolShaping 冷凍溶脂！冷凍溶脂係減肥界應該無人不識，引入咗香港幾多年就Hit足幾多年，好多女仔都覺得冷凍溶脂堅Work架~冷凍溶脂嘅原理，係對部位嘅脂肪層打入冷凍波，由於脂肪細胞呢樣嘢係受唔住凍，一凍佢地就會死亡，所以冷凍溶脂就可以令脂肪細胞凋亡，再由代謝慢慢排走~

 

冷凍溶脂係少數可以直擊脂肪細胞嘅減肥療程，因為脂肪細胞係控制脂肪組織多定少嘅主因，對付到脂肪細胞嘅話，就可以自然令脂肪減少，亦都唔怕會有反彈問題，因為脂肪細胞數目係固定嘅，死咗之後就唔會復活架啦~

 

不過做完冷凍溶脂之後，皮膚會有少少紅紅腫腫，咁樣係正常嘅，因為冷凍溶脂部機會連同皮膚同脂肪一齊吸起，再發射冷凍波，所以做完之後有少少紅、少少印都正常，好快就會退，睇吓個人接唔接受到啦~

 

NuMe 隔空溶脂 V.S. Perfect Medical CoolShaping 冷凍溶脂：效果

 

講完2個療程用嘅技術，自然就要講吓效果啦~嘅然今次咁認真同大家討論呢2款減肥療程，我都好認真咁去NuMe同Perfect Medical做咗各一次隔空溶脂同冷凍溶脂。為表示結果公平，我做咗隔空溶脂之後過咗3個月，先至去做冷凍溶脂，咁就確保2種療程都唔會互相影響~

 

首先我就去咗NuMe試做隔空溶脂，其實做隔空溶脂嘅過程都幾簡單，因為我試做肚腩部位，所以基本上著件短Top就OK！訓上床之後就會搵部機嚟照住個肚腩，一路會有少少暖暖地嘅感覺，都幾舒服~大概照咗半個鐘左右，成個療程就完架啦~

 

做完之後，我覺得肚腩個位就熱熱地，你話有冇即刻瘦到？我話有你都唔信啦~所以之後個一個星期，我都有散吓步、飲多啲水，希望加快個血液循環，排走啲脂肪。一個星期之後，我上磅度吓，體重就冇明顯跌到，至於肚腩就好似平咗少少，腰圍都瘦咗2cm~2cm呢個數真係「可圈可點」，你話係咪冇瘦到又唔係，但2cm又好似唔係好多，如果做吓運動、跑吓步，其實可能減得仲多添！不過好坦白講，呢啲減肥療程一定要持續做先會有更加明顯嘅效果，N隔空溶脂嘅效果我就留返俾大家參考啦~

 

至於Perfect Medical嘅CoolShaping，我就隔咗3個月之後去做嘅~做嘅部位都係肚腩，過程會先係肚腩放塊gel pad，再用部機頭吸住，慢慢會feel到少少冰冰涼涼，大概吸咗20分鐘左右，就會拎開部機，兼用人手按摩一吓個肚腩位。肚腩個位的確係有啲紅紅地，有少少好似人地刮完痧之後個種咁，摸落去仲有幾分似思樂冰嘅質感添！

 

之後個一個星期，我同樣都係散吓步、飲多啲水，同樣地上磅磅體重，體重竟然輕咗2kg！個肚腩位就瘦咗接近4cm，幾乎係NuMe嘅啲ouble！我個人覺得，可能CoolShaping係接觸式儀器，所以佢可以更快咁入到深層脂肪，比起隔空溶脂快見效~

 

NuMe 隔空溶脂 V.S. Perfect Medical CoolShaping 冷凍溶脂：價錢

 

除咗技術同效果，另一樣大家最關心嘅，一定係價錢！始終減肥都係一場長期抗戰，如果瘦身療程太貴嘅話，負擔自然都好大~不過今次我去試做嘅NuMe隔空溶脂同Perfect Medical CoolShaping，都係用「試做」嘅方式，唔係話佢地搵我賣廣告，而係我上網見到佢地做緊療程嘅promotion，可以用個優惠啲嘅價錢去體驗療程。

 

之前係網上咁啱見到NuMe有推出優惠價$680，係8款療程入面揀一款試做，當中就有得揀隔空溶脂，所以我真係真金白銀咁俾錢去試做咗一次😂以減肥療程試做價嚟講，$680做一次隔空溶脂都唔算太貴嘅~不過正價一次隔空溶脂其實都唔平，平均都要幾千蚊一次，可能買package會平少少，但就至少要付出$50,000以上咁囉~

 

Perfect Medical嘅CoolShaping係網上賣廣告，登記試做嘅話係完全免費！一蚊都唔洗俾！而且仲可以免費做足full set，以試做嚟講真係冇得輸架~不過之後join package需要$1,000至$2,000一次，大約$20,000左右做10次，其實都唔算太貴，加上做曬10次嘅話，一定會有返咁上下嘅瘦身效果，所以$20,000嚟講我覺得都算合理~

 

NuMe 隔空溶脂 V.S. Perfect Medical CoolShaping 冷凍溶脂：服務

 

除咗以上幾點之外，我覺得美容院嘅服務都好重要架~話曬我大拿拿俾幾萬蚊出嚟，如果每次嚟到做療程，又要受氣，又要左等右等，咁就唔抵啦！其實NuMe同Perfect Medical 2間都係香港好出名嘅美容院，好多人擔心越大間嘅美容院就越hardsell，不過以我嘅經驗，NuMe同Perfect Medical都唔係好sell客~

 

先講講NuMe，我上網登記咗之後就有人Whatsapp我，同我約時間，之後我照係Booking當日上去舖頭就得啦，都幾方便嘅~去到舖頭就同其他美容院一樣，換衫、做療程，做完之後就有位顧問同事嚟同我講講做緊咩優惠，同我砌咗一個咩減肥plan之類，咁我話唔想買plan住，佢都冇再挽留我，我就好free咁走得啦~雖然冇人hardsell，但感覺上純粹嚟做個療程，做完就走人，我自己就覺得NuMe好似唔太同客人溝通咁，少少冷冰冰咁囉~

 

Perfect Medical對我嚟講又係另一回事，我上到舖頭，Perfect Medical嘅顧問同事都好nice，一路做療程嘅時候，治療師都會keep住問我有冇咩地方唔舒服、或者有咩感覺，做完療程之後，入房同顧問同事傾咗一陣，佢都會推吓而家買plan有咩優惠，不過仲會講吓返到屋企之後，可以做啲乜嘢令身體新陳代謝加快，感覺上多啲Caring~

 

咁即係NuMe隔空溶脂好啲定Perfect Medical CoolShaping好啲？

 

以技術嚟講，我覺得2間其實都冇太大分別，始終2款療程用緊唔同技術，冇話邊個一定勁啲、好啲，不過以效果同服務質素嚟講，我就覺得Perfect MedicalP好過NuMe，瘦肚腩嘅效果首先夠明顯，加上服務態度幾好，感覺上真係想幫個客減肥咁，而NuMe就真係做完療程就Bye Bye~

 

整體評分，我會覺得Perfect Medical高分啲，因為如果我有需要買plan嘅話，Perfect Medical嘅價錢都唔算好貴，就算係小資女一樣負擔到，同埋Perfect Medical有得free trial試咗先，唔洗一嚟就要俾幾百蚊試做一次~

 

評分表(5個👍為滿分，只供參考~)

 

如果大家都想試吓以上2個療程，都可以去登記試吓架~不過因為之前我登記試做NuMe隔空溶脂個條link搵唔返，所以我就淨係擺Perfect Medical CoolShaping俾大家，反正都係免費，加上瘦身效果都幾唔錯，各位快啲去試吓啦~

 

免費體驗 Perfect Medical CoolShaping冷凍溶脂療程