延伸閱讀：東張西望何伯︳76歲老翁愛上內地女使130萬閃婚 與子女反目成仇
何伯續集再受訪 何太爆金句：「阿叔畀咗身體我、畀咗肉體我⋯」
週六（11/5），《東張西望》於結尾曾播放一段預告片。何太與何伯在茶餐廳受訪，環境與日前他們被網民「捕獲」的茶餐廳一致。《東張西望》節目預告透露，何伯夫婦一直沒有離開香港，雖然外界有不少閒言，就連TVB也派出阮兆祥抽水嘲笑，兩公婆大方接受訪問，何太於片中表示：
「阿叔畀咗身體我、畀咗肉體我，就留咗啲錢畀佢仔女保管，佢仔女攞錢去，我就要跟佢捱苦，先證明到人哋係真愛，咁傻嘅！唔通有錢就唔係真愛咩？咁奇怪。」
再度出面強調，自己對何伯出於一片真心，據了解全新的採訪內容會在周日晚播出，有觀眾懷疑二人如此高調受訪背後可能另有動機。
延伸閱讀：東張西望何伯︳內地妻鏡頭後說話超精彩 連主持都無出聲 網民：露出狐狸尾巴
延伸閱讀：東張西望何伯丨內地妻身份大揭秘 街坊爆4大背景 網民：唔簡單
新預告片出爐 指五名子女爭產
週日（12/5），《東張西望》沒有播放何伯夫婦再度接受訪問的片段，但有在片尾播放一段新預告。片段中， 看到主持梁敏巧訪問何伯夫婦， 新何太在鏡頭稱「我點解要當佢（何伯）係獵物？我當佢係寶」， 又直言「啲人真係奇怪」。
大爆5子女反對再婚真正原因
對於老父再婚，五名子女一致反對一事，新何太表示：「果個女人唔係我，佢哋一樣反對」， 身旁的何伯也認同，還表示「佢哋爭遺產吖嘛」；新何太表示由於已與何伯結成合法夫夫妻， 所以該五名子女便先下手為強。此外，對於外界一直被指「灌迷魂湯」、「飲死你呀！有毒呀！」何伯即反對，還認為新何太煲的湯反而令他很精神。
網民鬧爆TVB 心水清觀衆推測原因
不少觀眾看過周六晚上的預告，誤以為新訪問將安排於周日晚上播出，結果全晚未有提及何伯，令到不少觀眾感到失望，在「何伯及何伯老婆關注組」更有大批失望的網民留言大表失望，紛紛表示： 「何伯去左邊點解冇嘅」、 「TVB回水」、 「呃咗今晚收視」、 「搞到我睇左成晚，呃人呃好d，好唔好？」、 「我仲僕返屋企開電視添」、「詐騙呀，佢地夾埋詐騙左我地啲時間呀！！」、「我仲今晚特登睇東張，點知冇嘅，片尾話聽日播」、「全城失望」、「我專登趕返屋企睇東張，而家好失望呀！」、「全香港市民要幫何生何太見證真愛」
不過，有心水清的觀眾似乎預料得到，並猜測主要原因是母親節， 「今日邊到敢播吖，母親節喎，唔驚所有媽媽講粗口問候佢2個再加杯葛電視台咩？」、 「今晚抽起都啱嘅，母親節，攞景咩」、「今日母親節，驚好多人錯過左，聽晚先播」、「因為母親節，好多人會出街食飯，個收視可能會受影響，所以咪星期一先播囉。」
梁敏巧以黑絲上陣採訪 網民：何伯點頂
值得一提，這次負責採訪何伯個案的主持人換成了《東張西望》的女神梁敏巧（Maggie），以其出眾的身材聞名。她在社交平台Instagram上分享了採訪當天的照片，並留言表示：「全城熱話我都參與埋一份 明天有我同何伯何太傾偈。」梁敏巧在採訪中疑肉穿著短裙look搭配黑絲，坐在何太身旁聆聽何伯夫婦的故事。 網民都笑指：「如果換咗東張女神何伯會把持不住」「何太想要100萬元做生意凍過水」另一方面，亦有網民覺得今次換主持事件可能同魏柏豪表現有關：「個男主持真係要好好加油，轉數真係慢幾拍。好似好怕講錯野咁！」
