自爆荒廢健身一年 方力申認有抗疫疲勞

第五波疫情肆虐，方力申（小方）日前擔任抗疫車隊義工，運用自己座駕送物資到兩間護老院舍，身體力行幫助有需要人士，認真有心。不過，小方前日突在IG發長文放負，自認出現抗疫疲勞︰「抗疫真係會疲勞㗎。泳池又停，工作又停，目標又無，連屋企個健身架都拆咗三分二，不過其實我都無練成年㗎喇，所以阿媽先話拆咗佢，要嚟做儲物櫃。疫情第五波，連我咁有正能量，都有放負嘅時候。」

小方指每個人都有情緒低落的時候，但要給予自己限期，他說︰「所以我就校番鬧鐘起身，每朝同阿爸阿媽飲咖啡，搵番興趣做下，我仲由上星期開始番做少少gym𠻹。」最後他更鼓勵大家︰「開心一定搵得番嘅，係睇你想唔想，加油呀大家。」