Update 29/7/2022： Frankie Corner 公告 由明天開始 所有生日應援活動會取消 包括 Cafe 茶店佈置 所有應援派發 (包括紅館現場限定應援) 希望唔會為大家帶來好大嘅不便 亦向本身計劃未來幾日去打卡嘅皮寶寶 講聲唔好意思 要令到大家失望了 但相信發生咗啲咁嘅事 大家都唔會再有心情去慶祝

---

Frankie 嘅生日終於到喇！ frankie.corner 準備咗生日應援活動，派應援包同擺放打卡位，希望同大家一齊慶祝皮皮生日 Nun Desserts cafe 一樓係用皮皮出道到而家嘅軌跡來做主題 所以佈置咗各個唔同 event 唔同時期嘅相係入面㗎 而二樓呢就用咗皮寶寶一定鍾意嘅 IT 狗主題 如果有留意之前 story 嘅都會見到 重現咗 never 喺 IT 狗入面嘅種種場景 * 平日餐廳主要開放一樓為大家提供服務，但十分歡迎大家上二樓參觀，有禮貌地查詢店員就可以 Nun Desserts cafe Special Menu 食粒提子丫 $92 (香印晴王 x 士多啤梨雪奶) 喺涼浸浸嘅雪奶上面舖上好似皮皮咁甜嘅香印晴王提子，加埋雪糕一齊食夠晒消暑，啲提子仲鋪得好滿，今鋪仲唔同皮皮一樣食極都仲有提子？！ 有了你真的太好 $96 (香印晴王 x 士多啤梨窩夫) 都係香印晴王，不過就係擺喺暖笠笠嘅窩夫到 Cafe 嘅窩夫好特別，係表面脆脆哋，裡面好有蛋香仲好鬆軟，記得趁熱食，暖笠笠窩夫加埋雪糕同提子好食！ 日日都係夜晚 $56 (朱古力沙冰) 呢個沙冰甜度好適中，怕甜嘅朋友都啱飲。裡面仲加咗朱古力碎落去 blend，比起平時嘅沙冰仲多咗一層咬口，就算日日都係夜晚都係甜絲絲的！ 隨機應援包內容： -「日日都要噴噴」酒精噴樽 - 皮 BB 杯墊 - 手繩（兩款 獅子座 logo 或 「F」字粒） * 隨機應援包有不同組合例如：噴樽 / 杯墊 / 手繩 + 紙品應援、噴樽拼杯墊、噴樽拼手繩、噴樽拼手繩或噴樽 + 杯墊 + 手繩,etc. * 限量應援包已內含小卡及明信片，所以成功取得應援包朋友不用另外向店員索取 * 限量應援包派完後仍會繼續派發紙品應援 紙品應援 小卡 x 5 款，小手幅 x 1 款及明信片 x 1 款 每款限量 1500 張，先到先得，派完即止。 數量： 犀牛犀牛（沙田店）：沙田沙田正街 21 - 27 號沙田廣場 3 樓 31E 號舖｜營業時間：11:30 - 21:30 26/7 - 28/7 每日 20 份；29 - 31/7 每日 34 份 Nun Desserts cafe (旺角）： 24/7 - 28/7 每日 20 份（於開舖時間開始派發，派完即止） 29/7 - 31/7 每日 34 份（分開舖起及下午 6 點，每時段 17 份；派完即止） 1/8 - 2/8 每日 20 份（於開舖時間開始派發，派完即止） * 請留意營業時間 領取方法： 1. follow @rhinohkg / @nundessertcafe (視乎您去的店家）及 @frankie._.corner 2. 禮貌地向店員索取一份應援包 ​歡迎大家 tag @frankie._.corner 同 @nundessertcafe 認證！茶店嘅擺設都歡迎大家影相打卡㗎！ 照片來源：IG @frankie._.corner 及其上載之短片截圖