老細要你走的真正原因：睇你唔順眼！

繼淚眼小花黃紫盈後，近日又多一位無綫男主播余浩宗淚灑銀幕。據知余浩宗已經辭職，疑因花哥（新聞部總監袁志偉）不滿余浩宗的新髮型，因而把他調返通宵更，直至離職為止。

滿肚委屈的余浩宗更因此在昨天報新聞時「眼紅紅」，本應在下月中才離職的他，在完成節目後更向傳媒表示因眼紅而被即炒。

【延伸閱讀】打工仔糧尾眾生相 食穀種 VS 仙都唔仙

壯志未酬身先死的他在Facebook大吐苦水：「我好鍾意我嘅工作，但好討厭我間公司，我寧願畀錢早啲走。CCTVB呢間公司果然唔係浪得虛名。從來未試過咁委屈，如果見到我今日報報下喊唔好咁驚奇。」

所謂「上司要你三更走，誰敢留人到五更」，老細要令一個員工消失，總會找到十萬個五花八門的理由……

【延伸閱讀】TVB男主播髮型不能是是但但！

1. 排場行頭勁過老細

要「湊掂」老細，最簡單的做法就是扮演老細身旁的綠葉，小薯請緊記你的存在是為了襯托老細的英明神武﹑才華橫溢。

如果老細揸Honda，你就不要開着BMW接載同事返公司，把車泊在老細的Honda旁邊。正巧老細在停車場跟隔壁公司的高層Billy「吹水」，Billy一句「你細嘅都幾好景喎」，簡直對老細作出「直線抽擊」，煽起老細妒忌之心！

小薯請時刻緊記自己是魔術師大衛高柏飛身旁的助手，又或是肥媽身旁的陸浩。任你身材外貌有多出色﹑才華橫溢，切記在老細面前show off！

【延伸閱讀】真·幕後玩家唔易做！公關親述3大辛酸

2. 打扮比老細光鮮

辦公室的小花最易招來女上司的妒忌和不爽，尤其是未婚單身的女上司。在年齡上，小花們比女上司年輕已經是一條不可被救贖的原罪。第二，小花們如在辦公室穿短裙﹑短褲﹑貼身衣物﹑小背心，花姿招展更會被莫名加上一條「衣着不檢點」的罪名。

第三，如女上司愛用名牌手袋，切忌，永遠不要跟她用上同一款牌子，小薯請時刻保持低調。

最後，為保護老細一觸即碎的玻璃心，男朋友送的花﹑戒指﹑公仔或其他禮物，一律不要帶回公司，閃光彈不是用來炸老細的！

【延伸閱讀】地球上的老細都有一種「難頂」特質

3. 功高蓋主

相信大家在中學時應該有讀過「楊修之死」的故事吧！楊修英明一世，就是死在鋒芒畢露，在刀光劍影的職場上，小薯亦需避免犯上同樣錯誤！

在會議室上，老細帶同一眾小薯與老頂開會，作中期業績報告。老頂在會上點名指A Team今季的成績耀眼，比先前所訂下的目標超出5%，於是在會上加以表揚。A Team的主管當然笑到「四萬咁口」，豈料小薯A突然開聲發表意見：「先前我同B公司傾咗下一季將會有個新合作，估計會有多10%利益進漲。」

老頂開心之時，A Team主管面色立刻一沉，小薯A還未知大禍臨頭，已犯上一條功高蓋主的罪名。在上司不知情的情況下，代表公司與人合作就是「越權」，小薯的功雖未至於「蓋主」，但已經「震主」！

老細「郁你」理由可以五花八門，層出不窮，但歸根究底，都只不過是「睇你唔順眼」！

【其他熱話】樓奴有雞髀食？「屋邨仔」才是人生贏家！

【其他熱話】深水埗籠屋變「太空艙」 月租3500包冷氣WiFi

【其他熱話】比西多士更肥膩　邪惡下午茶排行榜

全文刊於「膠層膠事」fb，文章獲授權轉載