【50 歲或以上人士去邊度打流感針有資助?大家要認住「佢」】
除咗係醫健通(資助)網站度搵參加疫苗資助計劃嘅醫生同診所資訊之外,仲有一個方法可以方便大家預約打資助嘅流感針㗎
如果係私家診所門口,見一個有紫色同綠色「2021/22疫苗資助計劃」嘅標記,就代表診所有參與
#疫苗資助計劃,合資格嘅人士可以獲資助打流感針,大家可以直接向診所查詢收費。如果無額外收費嘅話,就等於免費打流感針喇!
認住標記喺咪好方便呢?50 歲或以上人士如果想打流感針又唔方便上網搵,就可以考慮用呢個方法喇!
提提大家,流感病毒株係會變㗎,上年打咗流感針後所建立嘅免疫力,係會隨著時間而降低㗎
,所以應該每年都要儘早打流感針呀!
仲有呀,現時建議打流感針同新冠疫苗之間應相隔最少14日㗎。
了解多啲計劃詳情,可以去呢度睇下: