雅虎香港新聞 
次次水浸網友改圖召喚馬浚偉 馬仔現身幽默回應網民
近日香港因受熱帶氣旋影響，令到全香港都落大雨，局部地區更出現水浸情況，令到香港天文台要發出新界北部水浸報告。而一有水浸出現，網民最想召喚嘅唔係天文台，亦唔係李先生，反而係召喚藝人馬浚偉，究竟點解呢？而今次馬仔真係被成功召喚，並親身幽默回應大家！
撰文：東方新地｜圖片：馬浚偉微博、facebook及電視截圖
延伸閱讀：
【深宮計】四司美魔女上過《美女廚房》！邊個搞到鄭中基望到眼都唔眨⋯
改圖事源係…
話說，最近呢幾日都落大雨，有部份地區更有水浸情況出現，於是一眾網民就召喚馬浚偉幫手，究竟點解呢？皆因佢喺2014年TVB劇集《守業者》嘅最後一集，出現一個經典畫面。
當年播出該晚，咁啱劇中嘅馬浚偉與楊怡，喺水浸後分離，而馬仔更游住水去尋找楊怡，仲大叫「冰冰！冰冰！」，馬仔喺電視機內不停游，正好黃雨的圖示出現在畫面左上角，網民笑稱「電視機都水浸」，天文台隨後亦改發紅色及黑色暴雨警告。
馬浚偉被網民無限改圖
因為咁，其後被網民無限改圖，直到而家只要一有水浸都要召喚馬仔。
日前，天文台發出水浸報告時，香港蘋果日報於Facebook嘗試召喚馬浚偉，點知真係成功呼喚到佢！
馬浚偉現身幽默回應
其後，馬浚偉更用真身留言：「收到……我去換泳褲先……」，佢嘅回應令一眾網友感到大為驚喜，並大讚佢夠幽默兼玩得。馬仔咁親民，認真要俾個like佢！
延伸閱讀：
