陳小春廿年後再做「古惑仔」

陳小春前晚到澳門出席春茗活動，他透露拍罷網劇《反黑》後，就會投入拍電影《古惑仔》，依然由原班人馬演出，但與廿年前的《古惑仔》不同，今次題材主要以俠盜為主，會去日本及黑山等地拍外景。問到工作如此忙碌，豈不是很少見囝囝？他坦言每次出外工作都好掛住個仔，幸好可以透過視像通話，「佢會趁放假來探班，我同佢揮一揮手，佢就衝過來攬住我隻腳，真係好冧，點辛苦都值。」

問到會否再追個女？小春坦言未有生女兒的感覺。當提到張繼聰已預計自己對住個女會變成癡漢，小春即笑謂︰「生女要醒啲，做猛漢，同埋個仔兩個猛漢一齊保護個女，不過依家努力緊，仔女都無所謂，唔會重男輕女。」又問到早前他被誤傳出軌，小春笑言入行多年早已習慣，也幸得太太應采兒多年來對自己的信任。