Grace陳凱琳孖生細佬Derek早前喺父親節分享同陳爸爸嘅合照,由於相貌南轅北轍,再一次惹嚟網民熱議!及後有人用100萬挑機,要求Derek同陳爸爸「滴血驗親」,要佢地提供身體毛髮檢驗DNA,如果佢地肯就俾100萬佢地,話要「為公義」咁話。 今日有陳家回應流出,原來係來自Grace同Derek嘅大家姐Joyce,佢喺社交媒體出post:「100萬會唔會少咗啲?」區區100萬,對陳家嚟講又真係跌都跌咗嘅,而陳家姐此言一出,搞到挑機者都面懵懵,即刻搵媽媽籌旗。 至於Grace同Derek就懶理是非,事關聽日就係佢地31歲正日生日,最近忙於同親朋戚友慶祝。對於血統疑雲,陳媽媽曾經向媒體解釋,指可能家族中有馬來西亞人,而Derek喜歡戶外活動,或者喺加拿大成長時,當地食物有好多荷爾蒙所致。