【Viu】富商大劉劉鑾雄今日開記者會,澄清多單都市傳聞。當中講同前女友呂麗君(現改名為呂姵霖)齊齊現身銅鑼灣皇室堡一事,佢強調同呂小姐絕對唔係復合,純粹怕影響到仔女嘅尊嚴,所以先出手幫忙,但講到呂小姐為人,大劉就話「有人露出九尾狐真身」。大劉指並唔係因為報恩,而同陳凱韻結婚; 又回應福臨門塞春卷或塞乒乓波、網球等故事,佢激動話自己冇做過,「諗過都絕子絕孫,再遲啲話我鍾意畀人塞都得啦!」大劉表示佢過去曾經有好多女朋友,娛樂圈嘅只佔1%。又承認會金錢上照顧舊愛,佢亦重提多年前傳佢為李嘉欣命名商場為「The One」一事,究竟大美人係咪大劉嘅最愛呢?即刻睇片啦!
劉鑾雄開記招足本錄音訪問 澄清The One非因李嘉欣命名 爆呂麗君唔俾見仔女「有人露出九尾狐真身」主動提「塞春卷」事件「諗過都絕子絕孫」