港姐繼續四出領獎 林鈺洧盼大啖大閘蟹 《2022香港小姐競選決賽》話咁快已經過咗一個星期,呢幾日幾位應屆得獎港姐四出現身唔同領獎活動,隨時仲忙過之前,呢日佢哋就一齊現身一個化妝品贊助商活動接受頒獎喇。冠軍林鈺洧就話經過幾日之後慢慢接受咗自己當選嘅身份,佢哋就話希望可以約埋好好嘆一餐喇。 亞軍許子萱就話仍然好似身處夢境一樣,雖然生活照常,不過就會努力鋪排同計畫喺演藝圈嘅往後發展,仲話好期待快啲同身處外國嘅父母一齊分享喜悅呀。至於季軍梁超怡就話非常期待未來嘅銀色旅程喇。 女仔扮靚係天性,加埋佢哋已經當選成為港姐,呢日去到化妝品店佢哋就加倍留心睇吓有咩需要喇,友誼小姐邢慧敏仲話自己對營養補充品略有研究,仲話有機會可以同大家分享吓心得呀。 #香港小姐 #港姐 #林鈺洧 #許子萱 #梁超怡 #邢慧敏