日本殿堂歌手近藤真彥寶刀未老 澳門開騷同歌迷迎聖誕 80年代紅極一時嘅日本殿堂級歌手 近藤真彥 正忙於日本嘅巡迴演出,但係近日佢百忙中抽空送一個特別嘅聖誕禮物俾港澳歌迷,日前Matchy首次喺澳門開演唱會,呢次係Matchy相隔12年再度踏上舞台同港澳Fans重聚。 Matchy呢次仲特別準備魔術小驚喜,⻄裝褸暗藏「香港」兩個字,又用廣東話同大家打招呼,12年冇會港澳歌迷嘅Matchy同團隊花盡心思,一連唱出廣為港澳歌迷認識、由天后梅艷芳改編唱到街知巷聞的《夕陽之歌》同《夢伴》(日文版:《梦絆》)。 明年「登六」嘅Matchy更感性地話冇諗過自己咁嘅年紀仲有能量繼續開騷,之後唱出《Rose Baby》時亦有燦爛煙花畫面配合,令現場氣氛High爆。 Matchy完show後因需趕返大阪進行聖誕演出未能與家人多留澳門遊覽,不過就笑言同家人卻因而過足三次聖誕:「先喺澳門感受到港澳Fans嘅熱情,24號會同家人返回東京同大阪,同時享受到三個地方不同嘅聖誕。」 #近藤真彥 #澳門開騷 #Matchy #夕陽之歌 #夢伴 #梅艷芳 #西裝褸暗藏驚喜 #RoseBaby