話時話：姐前姐後三分險 職場上的4個潛規矩

十優港姐麥明詩，一向敢言，而且好有性格，時不時都被人話佢「串」、「太有性格」之類。最近有傳佢被某位大台阿姐向高層投訴話佢無禮貌喎！事緣係，某阿姐係化妝間見到麥明詩，話佢只顧做自己嘢，唔同阿姐打招呼。報道仲話，原來之前已有幾位阿姐不約而同咁向監製投訴，話佢態度寸爆，對人唔熱情，又同同劇嘅演員零交流，冇乜人緣。

所謂「姐前姐後三分險」，「阿姐」有可能係世上最難服待的人種，佢地係公司老樹盤根多年，作為社會新鮮人，對住佢地除咗呃呃氹氹，有時為咗討好佢地，分分鐘連自尊都無曬，試問呢個世界有好多人可以好似六號、黃翠如、馬明咁氹得掂肥媽DO姐咩。咁係呢個唔埋堆就係敵人的職場上，究竟有咩潛規矩？

女生忌太靚太性感

阿姐始終係女人，總有妒忌心，如果你又年輕又太靚又著太性感又多人追，咁你一定成為佢地的共同敵人，所以記得凡事低調，最多收工後先變身啦。

加強觀察能力

對住阿姐基本禮貌一定要，但你一定要加強自己的觀察能力，見到有「黑面」的情況，記得立即做出相應措施。

唔好煩佢

如果有事想請教阿姐級同事，佢會比心機教你當然係好事，但都有唔少人，是但教你少少Hea你走，呢個時候就唔好再煩佢，上網做下Reseach或問下其他比較FD的同事吧。

齋聽唔講是非

阿姐們講是非，你千萬唔好比意見，記得齋聽好啦。如果唔係，你嘅意見隨時都會傳千里。

相片來源：麥明詩 Louisa Mak ＠facebook