【Emily】何君堯娶新抱 陳國基、馮驊赴宴

【明報專訊】新界鄉事、「藍營」人物同現任、前任公職要員，上周六喺尖沙嘴海旁某酒店聚首一堂，唔係商討國家大事，而係出席立法會選委界別議員何君堯阿仔婚宴，祝賀何議員新翁之喜。根據現場照片，選管會前主席馮驊法官、政務司長陳國基都有到場道賀。睇番政府憲報，特首李家超9月22號離港出發去杭州，換言之陳國基赴婚宴當日身兼署理特首。