岑杏賢坐完月即約姊妹　趕得切8號波前慶生

前港姐岑杏賢（Jennifer）為圈外人老公張嘉俊（Kelvin）誕下囝囝Preston，原來佢一坐完月就出關Meet一班索女Best Friends朱千雪、張嘉兒同蔣家旻，眾人更為岑杏賢慶祝佢33歲生日添！岑杏賢就晒出大合照，見佢狀態大勇，完全唔似係啱啱生完BB，並留言：「8號風球前慶祝生日同坐完月，謝謝我的朋友們令我每年生日都過得咁特別！」而張嘉兒亦同樣晒出合照，並留言「#風雨不改」、「#3號風球」等字眼，睇嚟佢哋係提早慶生，趕得切一齊過。