【深宮計】無懼嫁入豪門深似海　李美慧默認有喜：唔講得住

無綫重頭劇《宮心計2深宮計》舉行宣傳活動，在劇中飾演陳煒近身宮女的準人妻李美慧亦有出席，將於下月便嫁給富豪曾文豪的她，獲劇組送上祝賀禮物，令她既驚喜又感動。飾演皇上的馬浚偉更特地大讚她是一個用心的好演員且非常有愛心，馬浚偉說：「佢見到啲好污糟嘅流浪狗，就逐隻幫佢哋沖涼同幫佢哋去睇獸醫。」馬仔在遊戲期間叫美慧小心身體：「你粗身大細呀！」事後美慧就吞吞吐吐表示：「唔講得住。」睇怕都係喇！

問到美慧婚後可會繼續演戲工作，她說：「會呀，有適合我嘅角色都會去演。（老公無叫你唔好做嘢，做少奶奶？）佢有叫我做少奶奶，不過我都好鍾意演戲，佢都會支持我嘅。」俗語有話「一入侯門深似海」，咁她又會否擔心嫁入曾家之後會出現好似《深宮計》那些勾心鬥角的情節？她笑言：「唔會，都唔會好似《溏心風暴》嗰啲咁樣，未婚夫嘅屋企人個個都對我好好，我哋兩家人相處得好融洽。」她透露婚禮已經籌備得7788，因天氣酷熱，原本於室外舉行的婚禮將會改為於室內舉行，而7月就會去法國擺多一次喜酒，婚後她亦有計劃生小朋友。