李少光上月睡夢中辭世 李霖恩沉默低調送別亡父 前保安局局長李少光8月中喺寓所睡夢中離世,終年73歲。家人11號為生前係基督徒嘅李少光舉行安息禮拜,身為長子嘅李霖恩則一早到靈堂打點,多位政商同演藝界人士都有到場悼念,當中包括行政長官 #李家超 、前行政長官 #曾蔭權 全國政協常委 #唐英年 前全國人大常委 #范徐麗泰 以及多名司局長等。 而同 李霖恩相熟嘅 #安德尊 #譚玉瑛 #陸浩明 #曹永廉 等都先後抵達靈堂,而靈堂內外都擺滿滿各界人士所送嘅花牌,包括 #梁錦松 與太太 #伏明霞 #林建岳 #汪明荃 #陳法蓉 #林盛斌 #鄭文雅 #區丁平 #毛舜筠等。 靈堂內播放住李少光生前嘅生活照,而喺家人為佢製作嘅悼念冊入面,除咗有李少光嘅生平、生活照外,仲記載咗孫女對爺爺嘅印象同佢哋相處日常。 而9月12日早上李少光舉行入殮儀式,全國政協副主席 #梁振英 前行政長官 #林鄭月娥 等亦有到場,政務司司長 #陳國基 行政會議召集人 #葉劉淑儀 等 八人負責扶靈。儀式過後,神情哀傷嘅李霖恩捧住亡父遺照予到場傳媒影相,之後隨即步上靈車,駛往鑽石山火葬場進行火葬。 #李少光 #李霖恩 #前保安局長 #離世