影片
開飯介紹
佐賀燒肉谷主打日本九州佐賀縣農場空運直送的佐賀和牛，提供無限量的肉類和海鮮放題，讓您慢慢享受100分鐘的滋味。餐牌上有超過140多種菜色可供品嚐，味蕾會忍不住隨著菜式的變化而起舞。
繼續閱讀
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
相關文章
💁♀️💁♂️ 13/01/2024(Sat), Dinner🍽呢一晚為💁♀️食妙妙同💁A先生帶埋🧑👧小朋友去到APM行街，去到晚飯時間就喺商場入面搵食啦！行吓行吓，見到佐賀燒肉谷呢度有得食燒肉放題，裝修得都幾靚而且都坐得好舒服，既然大家都肚餓，一於就喺度開餐啦！而今晚我地order咗：🔆 LV.3 澳洲和牛海鮮放題（$518+10%）入座後店員會先安排一盤燒肉拼盤，每款牛都有幾件，鋪排得靚靚咁上枱，等我哋可以先試吓每款唔同嘅肉，試啱之後可以再追加。第一輪食到比較印象深刻嘅，係澳洲和牛特上牛肋肉同埋肉眼芯都唔錯，肥瘦相間、牛味適中，唔會太肥食到成口油，另外安格斯牛小排就肉味較濃，比較岩A先生心水，可惜之後再追加嘅就變得成舊肥膏咁，同拼盤上嘅差天共地🙅🏻♂️。另外，可以掃QR code落單一啲小食如枝豆、煙三文魚柚子冷豆腐、清酒煮蜆等等，餐廳中間有張長枱放咗啲熟食、飯🍚同紫菜、調味汁等等，仲有甜品🍮、雪糕機。煙三文魚柚子冷豆腐凍凍地個汁又好開胃，我哋都好喜歡。小朋友就最鍾意白飯上面加上紫菜同調味汁，單單咁就食咗一大碗飯🍚。食到最後，小朋友就最開心可以自己唧雪糕，今晚嘅雪糕係柚子味，味道唔會太甜幾清新。🔆🔆🔆🔆🔆🔆🔆🔆🔆🔆🔆🔆🔆❤🙆♂️(A先生)整體食評：7.5/🔟❤🙆♀️(為食妙妙)整體食評：8/🔟👉🏻 第一輪上嘅肉就唔錯，但之後追加嘅就明顯有差別A先生車友指數 🚗🛣️ 交通容易指數：🚗🚗🚗🚗🚗(5/5)🅿️ 泊車容易指數：🚗🚗🚗🚗(4/5) 👉🏻 APM商場本身已經有停車場🅿️，又或者隔離鱷魚恤中心🅿️、亞太中心🅿️，都好方便，只係假日繁忙時間未必有位👉🏻港鐵站過條天橋就係APM，仲有多線巴士小巴去到各區，十分方便🔆🔆🔆🔆🔆🔆🔆🔆🔆🔆🔆🔆🔆
繼續閱讀
今天和久未謀面，但經常保持聯絡的朋友相聚。大家選擇佐賀燒肉谷聚腳。由於事出突然，有一位朋友疑似受工作影響未如期應約相聚，大家都體諒的。此朋友很可靠，若非急事定必赴約。相聚一刻是我很喜歡的漫畫，我們在燒肉谷就像進入一刻館，十分溫馨舒服，各自各有大家的回憶情懷。佐賀燒肉谷的大吟釀很好喝，大吟釀是米酒，但不是普通米酒，日本人將一粒米磨磨磨，磨淨米心黎釀酒，使得米香精醇，沒有雜質，高度數而不失清純香味。我們選舉了LV4 PLAN，各人都極為滿意，覺得物超所值。不論食物質素，環境，Staff的Service及上餐時間，都有9分以上。食物質素我推薦封門柳及日本搭飛機過來的日本生蠔和高級和牛。封門柳肉味最濃，是牛中間部分的肌肉，肉質鬆軟不易變韌，牛味濃郁。封門柳有少許肉臊味，建議煎燒食用就可化解。日本生蠔每次來都必點加狂加單，極為出色。和牛紋理好似假的一樣，靚到你唔信。環境抽氣，冷氣，燈光，音樂都非常滿意，十分舒適，點讚。Staff斯文，後生，有活力。令你唔會生外，唔驚叫佢黎會比佢黑面。朋友當中有一位今日持素，正當大家都驚佢無野食，出奇地佢相當滿意。除左有菇呀菜呀瓜可以燒之外，仲有部分料理，佢十分愛芝士年糕，食左很多個都唔厭，臨走仲叫多兩個。食物上餐時間極快，職員收碟及食物骨殼都很主動，值一百分。我最鍾意是走廊唔會太窄，拎美食吧及啤酒及飲品唔會比人撞。詩經有云：人不如舊，衣不如新。祝大家友誼永固，身體健康，生活愉快。
繼續閱讀
呢晚係平日嘅晚上 早咗啲放工就嚟咗食個放題 我地今次食嘅係Level 3 澳洲和牛海鮮放題🫢 最吸引我嘅係呢個餐可以任飲Sapporo生啤 清酒同埋有個極上海鮮拼盤👍🏻海鮮咁啱呢一期係痛風海鮮祭🪭 所以一坐低就有一份極上海鮮拼盤😋 入面包括咗日本蠔 牙棚魚 白鱔 虎蝦 蟶子 鮑魚同帆立貝 真係好多種類 好豐富 我最鍾意嘅就係佢嘅白鱔 燒完之後好Juicy🐟 虎蝦亦都好高質素🦐 肉質彈牙亦好鮮味肉類 呢個套餐特有嘅幾款澳洲和牛產品都幾美味 肉眼芯 上級牛胸肉 特上牛肋肉同埋厚燒牛舌👅 另外套餐仲包括Level 1同埋Level 2嘅肉類 所以真係有太多種類😮 好難逐一介紹 牛肉雪花分明 我就最鍾意佢嘅厚燒牛舌 燒熟咗都唔會太韌 另外呢個套餐仲包括咗香草羊架🐑 都幾厚肉其他燒物見到有鹽燒三文魚鰭 同埋蒲燒鰻魚 已經好開心 因為兩款魚肉都係油脂感豐富 燒香咗嚟食唔會太過油膩😎 可以話係必點之選熟食黑椒炸雞軟骨 唐揚軟殼蝦 芝士炸雞 上枱時熱熱辣辣 份量啱啱好 唔會太多😂 炸芝士年糕 煙靭嘅外皮包裹着芝士軟心🧀 自助吧有唔同嘅蔬菜 例如翠玉瓜 茄子 粟米 仲有燒烤必備嘅菠蘿做飯後甜品🍍 飲品有多款汽水同茶類飲品可以拎 更重要嘅係有Sapporo啤酒任飲🍺甜品外面有幾款日式甜品可以選擇 朱古力大福幾好食 外層好煙靭🍡 仲可以用QR code落單嗌燒香蕉朱古力棉花糖 榴槤炸彈等嘅甜品😛 不過今日咁啱香蕉朱古力棉花糖賣晒 外面轉角位置仲有自助軟雪糕😋 今日係朱古力味 味道幾濃郁 仲有得加果仁碎㗎呢晚雖然係平日嘅夜晚 但係食完飯出嚟見到好多人等緊位 真係非常人氣
繼續閱讀
我係同女朋友係食level 2 20:30入場。服務同環境不過不失，唔會食完成身燒肉味。但係牛肉完全冇味，得雪味 ，完全唔知食咗啲乜嘢 海鮮又有沙，同樣冇味同唔覺得新鮮飲品選擇都唔多，咁嘅價錢，食牛角好過。冇下次。評分0.5/5頭盤美國和牛肉肩胛肉眼得個樣，冇肉味，對住你個幾塊都可以後面幾塊質素更差，後面追加嘅質素更更更更更差同埋細塊好多，唔講唔知原來係和牛質素（佢話係）。海鮮頭盤淨係食咗蟶子，青口同帆立貝。全部都冇鮮味其他真係唔想比機會佢。其他菜式影都唔值得影，所以冇相簡單概括全部都得雪味。用盡晒佢所有醬汁都算不上係好味
繼續閱讀
apm又開左新餐廳，發現左呢間新鋪，見9點後有平，就入去食。一入去，佢地就先放6格肉比我地，份量唔多，我地就一路燒一路點。喺點菜方面，有個問題，佢地每一樣燒肉，都係一件件咁計（部份係用碟計，如蜆肉）我地每次只可以點5塊肉（或5碟小食）點完落單先可以再點過，覺得每次份量太小，如果可以點多啲會更加好。點選燒肉都有唔同味道，可以要鹽燒，燒汁或辛味，唔錯👍👍蜆肉係有湯汁黎，煮完啲蜆肉好清甜，啲湯汁我地仲倒埋落金菇度，yummy😝😝出面啲熟食或前菜比較小選擇，但係要推薦佢地啲白飯，唔係白飯特別好食，而係有紫菜同木魚可以加，仲有啲醬汁可以淋啲上去，拍得住牛角飯👍👍甜品款式唔算多，不過個自助雪糕幾正，有朱古力同柚子味，朱古力正常，唔太濃，幾好食。柚子味有淡淡清香，入口感覺好清爽我一食就食左2杯👍整體幾ok，由頭到尾，我都係嫌點菜份量小，其他都唔錯
繼續閱讀