點了兩個餐，加個炸魚皮，由於上次的魚皮 鹹蛋醬太鹹，要求鹹蛋醬分開用小碟上，不用淋在魚皮上，他說不可以，說廚房做不到，不明白為什麼那麼簡單的要求都做不到，又說不能隨便更改餐單食物，我說我沒更改食物，叫我跟經理反映下，也嘥氣反映了，也直接不要算了。其實，今時今日要這樣，怪不得北上消費。香港餐廳服務業已經無得救。

今日路過北角，突然間想食越南野，search之後發現呢間評價好似OK，就入咗嚟食。本身都鍾意食越南湯河，所以就叫咗香茅豬扒湯河同埋生牛肉湯河。 咁兩個個湯底都一樣嘅，都幾清甜，都係一般越南湯河嘅味道。佢好似連鎖越南餐廳越北咁比個細細粒嘅青檸可以加落個湯到，咁我自己加左都覺得ok 嘅，個青檸雖然令個湯酸咗啲，但係好飲嘅，鮮味會出咗啲。 至於個香茅豬扒就炸得正正常常啦，味道都ok，但塊豬扒本身唔算啲咩靚嘢。至於牛肉，肉味都有嘅但生牛肉嚟講都算un 。

我係住附近嘅，呢間酒樓前身係明星酒樓，一大班員工個個都好似已經厭世唔想做咁，响果度飲茶，基本上都係自助式，因為根本都無侍應睬你。 後來裝修又換咗呢間茶皇殿，服務係好咗一排，最近唔知係咪又搵以前嘅員工，打回原形，好心講句，唔夠人，請到嘅員工真係又老又無心機，衛生意識低，服務態度差，個廁所本身裝修後整靚咗，而家唔到5年已經又殘又污槽。無得揀只有呢間酒樓，真係食一次嬲一次。

唔係好明點解咁多好評 午餐時段堂食求其入 俾嘅紙包飲品全部痴笠笠有污漬 已經嚇窒左 同行朋友見狀立刻抹乾淨罐百事 點知一開就有隻小昆蟲出現 叫左lunch set butter chicken 先黎餐湯tomato soup 瑩光橙紅色 好似落左好多色素咁 試左一啖無繼續 Butter chicken 味同肉質ok 但顏色同個餐湯差唔多 有大概10粒細細嘅雞粒 普通女性食完啱啱好 同行男性朋友表示肚餓 88蚊（加一後）黎講算貴 唔係好明點解咁多好評

第一次寫食評，之前睇過review 見到啲人話食物同服務都係一般。但咁啱同朋友想食泰菜，所以就試吓。 其實我就係住呢間餐廳隔離YOHO Town ，無論係晚市午市經過都係冇坐滿人，有時仲要好多吉枱。 今日大概1點鐘去到，見lunch時間都坐唔滿人，又見餐廳右手邊差唔多冇人坐，兩個人想坐張大小小嘅枱，再加上兩個都孭住背囊，但職員安排我哋坐一張有三張凳嘅枱。但座位一睇就知係唔舒服嘅鐵凳。張鐵凳仲要差唔多冇靠背位，我朋友問我其實係咪可以 問吓可唔可以坐隔籬嘅四人枱，我就同佢講嗰啲四人枱枱面全部都寫咗「留座」，應該就唔得㗎啦，可能有人book咗位。我同朋友周圍望過咗10分鐘隔籬枱都係冇人坐，當時已經1 點幾，所以我朋友就好有禮貌咁問侍應其實可唔可以坐隔籬嘅四人枱，因為我哋目測餐廳嘅右手邊差唔多係完全冇人。女侍應之後行埋一邊問某個人，之後話唔可以，理由我就聽唔到啦，大概都估到係咩，冇得坐四人枱就算啦咁。我同朋友都唔明白既然都冇人點解唔可以俾我哋轉張大小小嘅枱，起碼張凳會坐得舒服啲，我哋啲背囊亦都可以擺埋一邊。 講吓食物質素，講真真係好一般，嘢飲亦都好一般，價錢就過分進取。如果我比嘅價錢係包括裝修、環境同服務，我覺得係可以接受，但係食物又唔好味，想換張舒服啲嘅枱又唔得，明明冇客又唔肯放啲枱出嚟，其實唔明呢間嘢有咩service. 最終$178埋單，以咁嘅服務態度同埋食物質素絕對無下次，亦唔會推薦任何人過嚟食。

呢間拉麵店真係我喺香港食過有史以嚟最差嘅拉麵店，係綜合能力嘅差。 首先，店員態度極差。我同女朋友坐低之後，個店員就抌低本menu同拉麵紙之後就走咗。落完單之後，有兩個店員喺我哋隔離打鬧，攬埋一舊仲要差啲撞埋嚟。食緊拉麵嗰陣，仲有個同事喺cashier度擴音睇抖音睇勁大聲。臨埋單嗰陣，廚房入邊傳出幾句叫聲同粗口，畀人感覺好唔專業。 之後係食物質素，啲麵完全唔入味，個湯底純味精feel，可以話難食過味精拉麵。 服務唔得，食物質素唔得，仲可以生存喺新都會入邊，罕見。 最尾埋單見到個加一服務費，真係冇話可說。

母親節前上openrice訂座留位，去到當日晚飯前半個鐘先收到餐廳打黎話好多人，要walk in 再等位……呢個安排得較差 餐廳好多食客，座位之間好逼，環境一般般啦。呆等了15分鐘才入座。現場職員都好忙，沒有安排妥當。 食物方面，等20分鐘才上沙律菜，所有食物味道普通，不過不失，豬手正常發揮，未去到好出色。 網上食評不能盡信，試一次中伏就算，唔會再去食第二次啦。價錢唔係特別平，呢個價錢有其他更好的選擇，失望的一餐。

餐廳地點在坑口地鐵站上蓋，地點便利，門口招牌非常醒目，藍底白字好易搵，餐廳門口亦放有是日精選。 餐廳內以木系裝修為主，木枱木櫈，有兩個較私隱的卡位，黃光大燈泡裝飾，營造居酒屋氣氛。餐廳中間可以拼埋做大長枱，一班朋友嚟食飯都冇問題。另外都有半開放式壽司吧枱，大約六個位置，可以睇住壽司師傅整。 餐廳有好多不同的丼飯及定食。 豚肉生姜燒丼（晚）$120 +$20多一個小沙律及麵豉湯 是日精選 鮮吞拿魚海膽丼 $280

公司仲未放完新年假🙈 難得係平日放假緊係約朋友仔出去食😌 朋友仔係世貿中心番工，近近地就佢係佢公司樓下食一幻拉麵～ // Lunch 時間陸陸逐逐多人…… 好彩一入到去就揀咗望海位置🙋🏻‍♀️ 等咗一陣朋友到咗～ 廢麥太太揀咗 🦖 辛辣味噌蝦湯拉麵 🍜 一上枱先飲一啖湯～正呀！重口味呀😆😆😆 雖然主打係辛辣味噌，但都仲會飲到蝦湯味配埋流心蛋同埋拉麵，好味～ // 食緊麵既中途終於上埋煎餃子🥟 係廢麥太太心目中既食拉麵一定要配埋餃子先係最完美 亦都係取決廢麥太太會唔會再食呢間拉斱麵店既主要原因 一幻拉麵既餃子煎得好焦香，一咬落去好多汁 配埋個餃子汁～ 一個人食曬 5 隻不是問題😌✌🏻

觀塘工廈隱世意式雪糕，主打香港製造意式Gelato，每月推出各款新口味。今月限定就推出中式茶系列，有台灣凍頂烏龍茶、福鼎白牡丹、武夷大紅袍、杭州九曲紅梅、福州茉莉毛峰及明前龍井。 - Small Double HK$40 - 武夷大紅袍
茶味香濃!!大紅袍Gelato茶味濃厚，香氣甘醇濃濃烘焙芬芳，亦散發清香迷人茶香，與Gelato奶香形造出醉人奶茶氣息。 - 明前龍井
清新可人!!明前龍井Gelato茶香清澈柔和，味道清新可口，微微甘香綠茶香氣純淨，值得慢慢細味。

以往髒兮兮嘅裕民坊自從重建成「凱匯」之後，呢度就大翻身一躍成為左觀塘區內最高檔嘅豪宅。日前同女朋友去睇完樓，就決定喺屋苑平台嘆個dinner。女朋友想靜靜地食西餐，所以就決定黎「Plato」食。 作為開喺豪宅嘅西餐，Plato嘅用餐環境絕對係一流。餐廳裝修非常精緻，店員殷勤有禮。 Menu方面，食物選擇頗多，價錢合理。我地當晚order左「西班牙海鮮飯」同埋「煎羊架」。 西班牙海鮮飯唔單止賣相吸引，更加係非常足料：有一隻好大隻嘅大蝦同埋刺身級帶子，另外仲有啲其他貝類。 羊架同樣賣相唔錯，餐廳按照我要求煎得啱啱好，肉質仲係好juicy。值得一讚係啲薯條好香脆，而且份量都唔少！ 飲品方面，女朋友order左一杯玫瑰朱古力。呢杯朱古力造型一流，佢亦讚好香濃嘅朱古力味。正！ 餐湯係熱辣辣嘅南瓜蘿蔔湯，味道好好。

假日同朋友嚟食brunch 揀咗呢間位於西營盤嘅cafe 一出地鐵站行幾步路就到 非常就腳方便呀❤️ Cafe放咗藤椅、仙人掌🌵 內還闊落 裝修設計甚有波希米亞風 打卡又舒適呢！ - 🍝北海道干貝蟹籽忌廉扁意粉（$138） 北海道干貝厚身大粒 直徑比$5硬幣仲要大呀！ 入口鮮甜有口感👍🏻 而意粉口中感煙韌彈牙 撈勻之後 每條意粉都掛滿醬汁同蟹籽喔！ 🍔手打牛肉芝士漢堡配薯條（$128） 手打牛肉漢堡扒口中感好彈 面頭芝士半溶 夠晒香口惹味呀！ 伴菜係粗身厚切嘅波浪紋薯條 配搭埋蕃茄汁一齊食 夠晒完美👍🏻 ☕️Mocha($45) 飲到咖啡豆烘焙香味 同時隱約飲到朱古力味 面頭鮮奶拉花簡約📸 口感順滑！ ☕️凍朱古力（$45） 採用咗天然法國可可粉 入口朱古力濃郁香滑 唔會甜膩呀！

美孚之前得一檔外賣嘅車仔麵，近期品樂麵館開張後食咗幾次，試咗唔同嘅餸：牛肚、孖筋、韭菜餃、墨魚頭、蘿蔔等都好味。試過沙嗲汁同腩汁，都好味。菜譜辣辣地跟狗仔粉一齊食正😋 價錢非常合理，三餸車仔麵$42（我有時仲食唔晒要扣底減麵嘅份量），午餐嘅時候送一碟細細碟嘅蠔油生菜，加罐可樂$6，午餐仲平過茶餐廳👍 自己平日好少係OpenRice寫食評，今次希望幫佢宣傳吓（佢嘅位置比較偏僻，喺荔灣道Pizza Hut過啲），等佢做得住，咁喺美孚就繼續有車仔麵食

星期日中午同男朋友一齊去呢間喺太子站附近嘅cafe，環境都幾舒服，地方又闊落，而且仲係pet friendly嘅餐廳。 坐底咗之後望下餐牌，有熟食、甜品、飲品，每個種類都幾多選擇，最終揀咗小山圓紅豆抹茶窩夫（$88) 同埋蘋果花茶（$55)，男朋友就揀咗橙啡（$55）。 小山圓紅豆抹茶窩夫味道相當唔錯，餅底嘅綠茶味幾濃郁，配埋紅豆、淡忌廉、雪糕一齊食，口感好有層次，重點係成個抹茶窩夫餅底唔會好甜，即使減緊肥食完都冇咁罪疚感～ 蘋果花茶就由鮮蘋果粒沖泡而成，味道清新，淡淡嘅甜味源於蘋果粒，鐘意養生嘅朋友應該會幾鐘意！ 最後要介紹橙啡，橙啡顧名思意就係橙汁加咖啡，橙汁嘅含量高啲，所以味道偏酸。我本身都鐘意食酸嘅野，亦鐘意飲咖啡，但今次就覺得酸咗啲啲啲啲，男朋友反而幾鐘意，覺得好fresh，味道唔錯～ 整體環境舒服，食物同飲品質素幾高，下次會再嚟過輕鬆chill 一chill! 🥳

餐廳位於諾士佛台，好適合三五知己飲酒聚餐。店員服務熱情，而且食物質素唔錯，值得encore~ - //串燒 •燒牛舌 •鰻魚串 •雞翼 •免治雞肉串 •豚肉車厘茄串 燒牛舌極級推介👍🏻👍🏻👍🏻，必點，厚薄適中，肉質鮮嫩。免治雞肉串再加上流心蛋作點綴，既香口又Juicy。其他串燒都夠哂惹味，真係百吃不厭 //前菜// •海鮮沙律 •一遊豆腐 •燒玉子 //卷物// •海膽蟹肉牛油果卷 卷物上面都有海膽，增加唔少濃郁鮮味✨卷物配料包得好豐富，加上醬汁作點綴，色彩繽紛 // 韓風筍菜煎薄餅 呢個組合又幾得意；配合酸甜爽口既筍菜，可以中和番油膩感～