胡楓榮獲世界傑出華人殊榮 精神現身準備下月開騷 修哥胡楓從影多年,話佢係演藝界長青樹亦絕不為過,早前確診嘅佢呢日康復現身,仲非常精神咁接受世界傑出華人藝術家大獎嘅頒獎呀。除咗大班老友一齊到場見證之外,當然唔少得修哥嘅家人同孫仔孫女們幾代同堂慶賀啦。 修哥非常謙虛咁話大會頒發呢個獎俾自己直情係慚愧汗顏,不過老友就話70年來修哥一直對業內貢獻良多,佢絕對應得呢個獎呀。 修哥事後就話覺得開心又榮幸,從影70年來都算有啲收穫,對大班親友一齊現身見證自己嘅大事仲話完全估唔到喎。 原定中秋舉行演唱會嘅佢,因為染疫而要將演唱會延期舉行,呢日係佢康復後首次現身公開場合,修哥就話自己身體已經完全康復,一啲事都冇,不過就仲有幾聲咳等少少後遺症,會以中藥調理身體呀。 佢又話好快又會為演唱會全速準備,仲話非常期待到時同大家喺紅館見面呀。 #胡楓 #世界傑出華人獎 #藝術家大獎 #染疫 #康復 #紅館