《開心大綜藝》首播順利 扮嘢環節突擊笑爆肚 9大超級綜藝節目之中嘅重頭戲《開心大綜藝》,11號晚終於登場,除咗 #曾志偉 監場之外, #樂易玲 同電視廣播主席 #許濤 亦都有到場探班,非常重視呢個直播節目。 一個鐘嘅Live騷當中,最惹笑嘅可以話係 王祖藍 扮演嘅「藍太」,仲有 阮兆祥 LOUIS YUEN 扮嘅「張竹笙醫生」、 #陸永 扮嘅「圓教授」喇,唔知有冇令大家會心微笑呢? 而身為TVB「首席創意官」嘅祖藍,呢日都回應早前嘅「薑蓉」負評事件,祖藍仲話會尊重唔同人感受,希望以後有機會同唔同朋友多多交流呀。完騷之後,志偉就睇嚟非常滿意,仲話俾足大家110分,而現場久違嘅現場觀眾亦令氣氛非常好呀。 另外 Rebecca Zhu 朱晨麗 鄧佩儀 Gloria Tang 同埋 劉佩玥Moon Lau 嘅舞蹈環節,亦都為佢哋帶嚟唔少掌聲,Morning朱仲好似練到有啲唔舒服添呀。 做得直播梗係唔少突發事件,好似 郭子豪 ArnoldKwok 玩爭櫈仔遊戲,就搏命到推跌 Mayanne Mak 麥美恩 ,仲搞到佢衫鈕都甩埋,膝頭都瘀晒添呀,Arnold似乎要請返佢飲茶先得喇! 一向言行直接嘅 Crystal Fung 馮盈盈 早前喺節目話自己同 余思霆 霆霆 stitch 選華姐時非常坦蕩,令網民以為Stitch同朋友裸聊,呢日佢就為對方再次澄清喇。 而呢晚一班同事亦都組成男、女團跳舞演出, 何遠東 Anthony Ho(肥東) 東翼張 East Wing Made - 張翼東 吳佩隆 黃頌明 鄧智堅 佢哋嘅表演大家又覺得點呢? 呢日嘅特別嘉賓 盧冠廷 Lowell Lo 同女高音 Alison Lau 劉卓昕 一齊演出,呢首《一生所愛》真係令人聽出耳油呀。 #開心大綜藝