自抽最高境界！胡鴻鈞入行10年話最唔同係個樣

歌手胡鴻鈞（Hubert）今日（22日）推出入行首張EP，他現身旺角唱片舖充當店長，不少粉絲排隊撐場，有粉絲大叫「Hubert好靚仔」，身為店長的他又玩自拍，又落嘴頭冧客，十分落力，並成功說服粉絲由原本買一隻變成買兩隻，期間Hubert同小妹妹傾偈傾到雞啄唔斷，差點忘記送海報。

Hubert表示今年入行第10年，推出第一隻EP，自己會買10隻為自己打氣，他表示專輯名字《ex:CHANGE》，ex是舊的自己，CHANGE是改變，意思是紀錄入行以來的新嘗試和轉變。他透露會叫緋聞女友蔡思貝捧場，笑言：「唔會送，個個都係買，好多朋友買完影張相傳訊息畀我，行動勝於一切。」談到多年來最大轉變，他又再自嘲：「10年最大轉變係個樣，10年前10年後唔同，心理質素、心態都唔同咗，待人接物方面希望變成熟啲。」他表示專輯並沒有劇集歌，因為希望所有歌曲同自己有切身關係，感謝獲公司支持，他覺得10年出專輯，時間上不遲也不早，認為是Right Time。