認愛唔夠40日 李宰旭Karina宣佈分手

繼早前韶禧同柳俊烈嘅戀情分手收場之後，韓國娛樂圈再傳出戀人見光死消息。日前先喺香港為KCON表演嘅韓國熱爆女團aespa隊長Karina，2月與高大演員 李宰旭 公開認愛，不過短短一個月時間之後，當地傳媒就指出兩人已經分手，掟煲消息而已經被雙方經理人公司證實。

李宰旭1月參加時裝周時同Karina撻著，到2月底認愛Karina公開戀情後受到外界猛烈批評

兩位灸手可熱嘅韓流偶像據指係早前同時應邀出席時裝周時撻著，之後到2月底公開認愛，不過之後就受到外界大量批評，仲有Fans租用宣傳貨車到aespa所屬嘅SM娛樂抗議，指佢戀愛行為影響自己同團體嘅前途，佢上月初更以手寫信向Fans道歉。

韓媒踢爆兩人分手消息，男方以專注作品為由分手

據當地傳媒稱，Karina同李宰旭感到對Fans嘅歉意而決定分手，而男方所屬公司就發聲明指，李宰旭為專注新作而決定分手，往後會繼續支持同為對方打氣。至於SM就簡短確認分手消息。

來港參加KCON嘅Karina心情似未太受影響

雖然熱戀期間就分手收場，不過來港參與演出嘅Karina心情就似乎未有太受影響，仲喺社交平台分享於香港街頭低調出巡嘅相片。