女人成日都會問男人同一個問題：你愛唔愛我？其實一個男人愛唔愛你，又點需要講出口呢？男人既感情世界係無女人咁複雜，佢愛唔愛你其實你會係微小既細節可以見到。
鍾意你既男人，就算個人唔係你身邊都會處處爲你着想，而唔愛你既男人，就算你真心付出，佢對你都只不過敷衍了事。要準確判斷男人對你係咪真心，不妨從以下五個細節，睇下佢係咪真係緊張呢段關係喇。
登入 瀏覽本網站，可獲取積分換領專屬優惠
點擊查看專屬優惠
1.借用佢既電話，佢會否感到緊張？
現今咩都靠電話既年代入面，無論男男女女電話入面都會有好多不同既秘密。你可以試下借用男人既電話，睇下佢會否因此緊張。如果一個男人對你係動真心，咁他一定將所有心思都放係你身上，他的事都會想同你分享，對你而言佢唔存在有任何秘密。可以坦然接受你用佢電話既男人，實在係值得你交付真心。
2. 話佢知道你肚餓既時候，佢係咩反應？
用心對你既男人，知道你肚餓既時候，都會問你想要食咩，就算唔係身邊都想買過黎比你食；無用心對你既男人，就會聽而不聞，講完好似無講一樣，咁你都係食自己啦。
3. 向佢傾訴你既心事，睇下佢會否覺得耐煩？
一個用心對你既男人，好想知道你既內心世界，通常都好樂意成為你既聆聽者。當你向佢傾訴既時候，他一定會處身切地聽你講完，然後比你適合你既安慰和建議。相反，一個對你無用心既男人，就只會敷衍你，可能會想收線，一係會覺得你太小題大做，叫你睇開D。咁你真係要對呢段關係都睇開d喇。
4. 打電話話佢知你病左，佢會否擔心？
一個人病既時候酒席最脆弱既時候，佢會好擔心，或者會提出想陪你去醫院睇醫生，咁就說明佢真係緊張你。而只會係電話度敷衍，或者叫你飲多杯水既人，會對你有幾用心呢？
5. 突然變得沉默，佢會否察覺到你情緒既變化？
緊張呢段關係既男人，係會擔心失去你，因此會留意你情緒既變化，尤其係你突然變得沉默既時候，佢會擔心係咪自己做錯做D咩，或者係有咩令你唔開心，佢會希望你有咩事都直接同佢講，咁佢可以去解決，令你開心翻。但如果你沉默左大半日佢都無察覺，咁可能係佢本身反應比較遲鈍，又或者呢段愛情唔係咁能夠令佢上心啦。