莊文強爆TVB出身巨星級男藝人有一特質　永遠都會做呢件事

香港電影圈很多巨星都出身自TVB，導演兼編劇莊文強最近接受文雋的Youtube頻道《文雋講呢啲講嗰啲》訪問時，說原來從TVB出來的巨星都有一個特質，是內地演員沒有的。

文雋分享之前馮小剛告訴過他的事說：「拍電影《讓子彈飛》時，幾位演員不會在現場打招呼，大家都在自己的化妝車上，到拍攝時才三個大明星（姜文、葛優、周潤發）出來對戲，真的是大明星的派頭。」莊文強說：「 依家個個都係。」

文雋就問莊文強：「香港最大的明星叫周潤發，他和郭富城拍《無雙》時，他們有無密密傾的？」莊文強說：「因為發哥是在TVB的體系出來，TVB的體系有一樣嘢好好的。例如，我係導演我喺度睇緊mon拍緊戲的時侯，我要劉德華，我擰過後面就有劉德華喺度；我要梁朝偉，梁朝偉喺度；我要周潤發，周潤發喺度；我要劉青雲，劉青雲喺度。」

文雋：「他們不會在化妝車上？」莊文強說：「不是他們大方，而是他們的是街頭智慧，我問過佢哋，『你上車唞吓啦，你做乜咁辛苦喺現場？』我問過幾個都係同一答案，佢話：『我點知你搞乜架？一陣你改嘢，我咪有事？』這些完全是街頭智慧，但呢個就係專業守則和水平。」

莊文強續說：「同埋佢哋有一樣嘢你留意吓，我和他們合作得多，他們是好鍾意畀台詞人的，佢哋係會一嘢推開個副導演，『死開喇你』。拍另一個演員大頭時（拍不到這些巨星演員），佢哋全部都要親身畀（講）對白。我問過點解？佢哋話『佢好睇我先會好睇，佢唔好睇點剪都唔好睇。』其實係好現實，我唔係為佢哋講好說話，但呢個就係專業。」

文雋說：「 這十幾年來內地影視蓬勃，那些新的『小鮮肉』，台詞不會記，因為有配音，更加不會在講唔該你畀台詞我。」莊文強說他未遇過這些情況，文雋說因為莊文強一直拍的都是有大團隊的大製作自然不會遇到這些情況，但他說聽過導演被演員欺負的事，說：「如果有些導演不夠power就會被欺負。我不是講陳道明壞話，因為我合作過一個導演俞鍾，他最早拍的電視劇《寇老西兒》有陳道明、葛優。陳道明去到現場話，你（導演）1、3、5、7、9場戲跳哂我，因為我跟住要去打麻雀。俞鍾同我講如果導演不夠勁就會被人欺負。在你手上就唔會喇。」