收軍糧！馮盈盈鬼影變幻球事業線夾上鎖骨

藝人馮盈盈成日語出驚人，把聲又響又嘈，不過佢就係夠晒做自己，一直都係宅男心中女神，雖然神女已有穩定男友，不過佢都深明派軍糧鞏固軍心嘅道理，今日佢就大晒早前拍《#後生仔傾吓偈》加拿大特輯時嘅靚相，明明一身睡衣上陣，但就暗暗晒喱士Bra帶兼夾出小峽谷，加上佢件吊帶衫襯首飾，戰鬥格出晒嚟！

見佢企晒欄杆前Chok斯文甫，果然唔出聲就成個人唔同晒，滲出罕見嘅女人味，另一張全身相仲見到佢右手搭左手眺望遠方，一個唔覺意就將事業線夾到上鎖骨咁滯，一連升咗兩Cup咁款，娘娘，今次呢個軍糧真係食到啲宅男飽晒喇～～！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。