政Whats噏：還押期間添丁 張可森曾發「缺席通知」
20210907
東網電視
更多新聞短片
張可森嘅兒子出生。
47名發起或參與去年民主派「35+」初選人士，涉嫌違反《港區國安法》，被控串謀顛覆國家政權罪正被還押，當中包括已辭任屯門區議員嘅張可森。張嘅太太今日(7日)宣布順利產子，話張家有新成員初嚟報到，請大家多多指教喎。
張嘅太太喺社交網站分享初生兒子嘅相片，提到嚟緊要專心坐月同湊仔，冇得探張可森之餘，仲應該會少咗時間寫信畀佢啊。佢就呼籲其他朋友多啲寫信畀張可森，仲提議可以分享育兒心得添。
張可森已經被還押大半年，佢喺今年3月以太太懷孕為由申請保釋，太太亦一度向佢展示1張胎兒超聲波照片。不過，張可森仍然被拒絕保釋申請，原本係填詞人嘅佢就喺獄中寫下一首歌，題為「缺席通知」，向懷孕嘅太太以及未出生嘅兒子道歉。