鄧健泓夫妻檔襯爆出現 新MV為流浪動物籌款 已經好耐冇一齊現身公開場合嘅 #鄧健泓 同 石詠莉Sukie S ,呢日襯到絕咁一藍一紅打扮出現,而最近推出新歌嘅Sukie,仲搵咗33位圈中人為新歌繪畫,再將佢哋嘅畫作融入MV當中,不過當中嘅過程都唔簡單架。 Patrick最近籌備拍攝新劇,仲會擔任唔同崗位,Sukie亦都會演出其中一角,仲話合作咁多次唔介意老公發嬲呀。呢日同樣有現身嘅 鍾雨璇 O3 喺啱啱過去嘅中秋就狂食月餅,仲話自己係月餅怪嚟,不過因為廚藝實在麻麻,所以都係買多過整喇。 #鄧健泓 #石詠莉 #鍾雨璇