47
2
1
港鐵尖沙咀/尖東站 P3 出口, 步行約8分鐘
繼續閱讀
開飯介紹
創意割烹料理餐廳，由前菜、主食到甜品均注入新元素，更不定期推出時令套餐，配合簡約雅致的裝修風格，環境十分舒適。
繼續閱讀
營業時間
星期一至二
12:00 - 15:00
19:00 - 22:00
星期三
全日休息
星期四至日
12:00 - 15:00
19:00 - 22:00
以上資料只供參考, 請與餐廳確認詳情
食家推介
Sakaki 榊 香港禁日本海鮮令下真的對香港日式餐廳影響不少，材料來要頭痛，客人也減少了，希望有關條例盡快收改，留意返科學同數據。 講返今次餐飯，今次係第二次到這裡用膳，雖然無了初次品嘗的驚艷，但整體都算ok，服務同味道都有盡力展示到。由於入口政策問題，令到餐單上的菜式需要不小改動，認真幾考功夫。 前菜三點盛：分別是（左上）湯葉、（右上）燒赤身、（下方）燒茄子，湯葉略為偏甜，在京都的湯葉刺身是可以絆豉油wasabi一起食用。。赤身上的啫喱有點辛口怕辣的夥伴挑戰有難度。 先付：牛油果蟹肉魚子醬伴脆包，牛油果醬與蟹肉幾夾，蟹肉份量算多，對比脆包份量太少，唔夠包搽蟹肉😅。 刺身時令三點：（上方）拖羅，（左下）金目鯛，（右下）太刀魚烏魚子。 天婦羅兩點：炸海鰻、炸淮山bb。天婦羅的淮山更易入口。 壽司兩點：池魚壽司、鮮北寄貝壽司，池魚上面加左豉油及烏魚子。 煮物：昆布湯煮花膠魚翅，通常魚翅都係配濃湯，今次試到清湯類的昆布，口感幾清新，但鮮味略為不足。 南瓜蓉絆？魚：這個忘記了名，太入神和小夥伴聊天💬，但這個絕對是今晚的vip，熊本縣的南瓜蓉絆上他，非常美味。 強肴：燒西班牙安格斯牛肉絆露筍，其實我一直以為安格斯是美國的🤔😂，牛肉嫰口油脂味唔重，但個人都喜歡和牛多點，其實可以考慮下比客人加錢upgrade 做和牛肉。 食事：松茸釜飯。 吸物：東瓜𩶘魚湯，東瓜味偏重，魚味唔太突出，不過都幾好飲。 甘味：日本哈蜜瓜。 整體驚喜略為不足，不像初嚐時的驚艷及抵食，希望之後冬季能夠出返之前的menu，松葉蟹肉饅頭、安康魚牡丹蝦配黑魚子、龍蝦肉配櫻花蝦南瓜醬。那個滿足道會大點😋。
繼續閱讀
💖 榊 (尖沙咀)✨尖沙咀漆咸圍10-12號1樓〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️上次食鮨燐要揾豪師傅，今次食榊要揾輝哥🫶🏻，輝哥除咗好細心介紹食物之外仲會好仔細咁樣做好擺盤俾我哋影靚相🤫 我真係忍唔住同Pinky Miss講好耐都冇試過咁期待下一道菜食啲咩了😈-夏荀 $580先付🥗1️⃣風乾火腿沙律:好似真係冇食過火腿沙律😂，我最鍾意係上面嗰啲風乾蔬菜粒，好有咬口。2️⃣日本水茄子:茄子都幾爽口🍆椀物🍵▫️蟹肉茶碗蒸:先唔好講其他嘢！真係要讚吓佢個碗，竟然有條繩連貫住，咁樣先冇咁容易焫親手🫶🏻好貼心嘅設計。而且呢一個碗size都幾大，感覺上好似食咗好多蛋咁😌。茶碗蒸🥚一如既往好滑溜，蟹肉🦀好鮮甜。剌身兩點▫️伊佐目:配左用山渣做嘅啫喱，酸酸甜甜幾好食㗎😋伊佐目嘅油分非常之豐富，但係食落一啲都唔油膩。▫️北寄貝：望到呢啲北寄貝就醒起我男朋友好鍾意食😝，我以前都唔明㗎🤨但係我而家終於明白啦。因為原來新鮮嘅係真係好爽口好好味😚🔹另外追加🔹▫️平政魚:呢一款與真係比較少食，所以特別有記憶點💭，食落去佢嘅口感比較爽口😍▫️沖繩大善大拖羅:最鍾意聽到師傅話可以夾埋紫蘇葉一齊食😎，更加香口，油份十足。壽司1️⃣沙錐:又係一款比較少見嘅魚種🤪，食落去肉質比較結實少少。2️⃣金目鯛:係一款我都幾鍾意食嘅魚，肉質比較爽口識落佢嘅味道比較甜美😌🔹另外追加🔹3️⃣牡丹蝦:輝哥喺我面前處理隻蝦😍終於見到師傅清潔蝦腸🤣唔知有冇人同我一樣平時好擔心啲下有冇去蝦腸😂今次睇住佢去除食落去好似零舍好味🙃。蝦肉肥碩、甘甜濃郁，冇得彈❤️免頭仲加咗啲綠色嘅蝦籽，令蝦味更加濃郁。4️⃣火灸黑陸魚壽司:其實我自己都幾鍾意經過火炙壽司，因為食落去有份比較重呀嘛😋5️⃣海膽壽司:食Omakase些點可能冇海膽🧡，我同Miss都係海膽愛好者😏呢舊壽司真係好甜好Creamy。串燒🍢▫️雞翼:真係唔好睇佢係一隻平平無奇嘅雞翼😂真係好鬼有雞味😍師傅話可以加少少柚子胡椒醬作調味💁🏻♀️但係我自己覺得唔加仲好食🤣▫️雞尾:通常聽到一啲名字比較奇怪嘅食物我都會拒絕唔食🤔所以今次食之前仲特登問咗師傅係唔係雞pat pat😂佢話係雞pat pat上面尾巴嗰舊肉🫠初頭都諗住捨棄唔食㗎啦，點不知旁邊嗰隻魔鬼 @aerial.hoop_pinkpink 已經急不及待食到japjap聲，我就真係俾佢引誘到😝食落去都係嗰句啦好鬼重雞味，油分爆棚。燒物🔥▫️紫菜高湯牛油帆立貝:平時食開嘅帆立貝通常都比較鹹，但係呢個完全唔一樣‼️好鮮甜好鮮甜嘅味道另外一試難忘😽。係用咗新鮮嘅紫菜去熬製湯品，飲落好清甜㗎。▫️燒甘鯛配粟米汁:旁邊嗰個粟米汁真係好香🌽差少少上奶晒成個碟😂，甘鯛肉質比較結實。一口咬落去油花四濺🫢食事🍚▫️甘海老天婦羅野茶餅茶潰飯:通常食到最後隔籬嗰個人已經食唔到🙈但係我梗係不負眾望要食晒所有嘅嘢啦😂所以都係同師傅講要多飯🤭。呢一個茶漬飯係用咗綠茶做湯汁。上面配埋天婦羅好食到不得了尤其是係番薯條天婦羅😍口感非常豐富，食落去一啲都唔會油膩👍🏻甘味🍮▫️蘋果大福:我從來都冇食過大福🙄因為覺得入邊成日都會係紅豆餡😮💨今次竟然係我最鍾意嘅蘋果🍎好甜，好富士味😻。▫️千層蛋糕:我平時都真係唔係咁鍾意食千層蛋糕，但係呢度嘅雲呢拿cream做得好好🤩兩舊仔食落去唔會話好肥膩。🔹另外加配🔹▫️拖羅松葉蟹賴尿蝦多士🍞:將幾樣我都好鍾意食嘅嘢混集埋一齊，淨係望個樣已經覺得好吸引😱。成個藝術品咁樣點捨得食啊大佬😳。我哋打卡一番之後先依依不捨地食左。一如既往食完之後大叫👉🏻Um!!!!真係好好味👈🏻題外話: 仲有一嚿白粟米🤍都係超級好食嘅。做咗Foodie咁耐都從來未試過用手拎起啲嘢食😂今次真係忍唔住手啦🔥想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysfoodie如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
繼續閱讀
位於尖沙咀嘅「榊」非常容易去到，由尖沙咀站P出口大約行咗5-6分鐘就到。黎到門口，按門制，之後由樓梯，已經感受到餐廳嘅私隱度。樓梯旁簡單擺設已經好靚，有置身日本嘅感覺，餐廳門口擺放大理盆景，盡顯簡約神秘。經過侍應細心招待，我地就開始上菜😋$380午餐九道菜沙律🥗蔬菜新鮮，但沒有草青味，配上鹹香嘅巴拿馬火腿點綴三文魚子蟹肉茶蒸碗蒸蛋滑溜，三文魚子蟹肉非常鮮甜刺身3點拖羅、鰈魚、太刀魚，鮮甜肥美拖羅小卷鮮甜肥美，我一路以為食緊和牛卷，知道係拖羅，好有驚喜螢光魷魚，蔬菜餅天婦羅師傅已經調味，完全唔需要任何調味料，炸粉薄身，香脆，食完成個都覺油膩昆布蒸金鯛魚肉好滑，有淡淡昆左味日式磯煮鮑魚彈牙，鮮甜炸旦和牛漢堡用咗天婦羅嘅方法脆炸蛋黃，夾起炸旦，蛋汁爆曬出嚟，以為加漢堡一齊食會好膩，但係完全唔會，一啖炸蛋漢堡，一陣白飯，非常好食。因為太飽，我地叫咗少飯🤣十勝紅豆蛋糕紅豆軟綿，唔會有渣，配上千層蛋糕嘅清香，好夾！👍🏻
繼續閱讀
榊Sakaki 係主打割烹料理的高級日式餐廳，強調利用當季新鮮的食材，注重烹調技巧和擺盤藝術，用眼睛和口感一起享受美味佳餚。餐廳設於樓上，隱密度高，共15個座位，圍住開放式廚房，可以近距離欣賞師傅刀工和烹調過程，食材全部新鮮空運到港，都係食得出嘅鮮味！午市套餐-芊，盛惠$380就可享用10道日料，真係用優惠嘅價錢，體驗高檔日式料理！午市套餐-芊✔️先付-沙律新鮮蔬菜和脫水蔬果粒、充滿鹹香嘅巴馬火腿，清新爽口、多重口感，加上酸酸的醋汁，是一道很好嘅開胃菜。✔️椀物-蟹肉茶碗蒸口感滑嫩，即蒸拆出嘅蟹肉鮮味相當突出，三文魚籽爽脆甘香。✔️刺身3點鰈魚、拖羅、太刀魚刺身肥美鮮甜，每一種魚都有自己嘅獨特風味。✔️天婦羅-螢光魷魚雜菜餅外脆內嫩，魷魚的口感非常好，炸衣好薄好脆不油膩。✔️煮物-昆布蒸甘鯛、日式磯煮鮑魚用白汁蒸嘅鯛魚仍然食得出原汁原味，磯煮鮑魚軟稔入味。✔️卷物-拖羅小卷小卷內嘅拖羅塊油脂分布均勻，很重魚香味。✔️食事-炸蛋和牛漢堡飯炸蛋外層酥脆，用力一夾，蛋漿流出鋪滿珍珠飯上，漢堡扒肉汁豐富肉味濃厚！✔️汁物-味噌湯接近最後喝一碗鮮美嘅味噌湯，清清口腔。✔️甘味-十勝紅豆千層糕口感鬆軟，甜度恰到好處，很適合作為一餐美食嘅完美結尾。**設加一服務費
繼續閱讀
位於科學館對面嘅日式菜，主打割烹料理，師傅解釋即是現場做切割、烹調，就好似將個廚房搬咗出嚟咁樣，係食客面前處理食材👩🏻🍳今次食嘅係午市🍱割烹料理💰$380- 先付 -🥗風乾火腿沙律味道幾好，麻麻沙律嘅我都覺得幾好食- 椀物 -🥚蟹肉茶碗蒸蒸蛋好啊，好多蟹肉，仲有魚子，更有口感又多汁- 刺身-🐟白身魚、太刀魚、中拖羅新鮮魚油豐富- 煮物 -🐠昆布蒸金調蒸魚底下加咗昆布，味道特別清香，加咗有幾粒柚子，口感清新- 炸物 -🥢炸螢光魷魚南瓜餅幾特別，無諗到螢光魷魚可以拿去炸，平時都係凍食多，入面仲有紫蘇葉幾清香🥢磯煮鮑魚又腍又入味🥢拖羅小卷食埋都好飽啦，滿足- 食事 -🍚炸生蛋黃和牛漢堡飯本身已經飽咗，炸蛋黃都係第一次見，仲要炸得好靚，覺得好神奇點解唔爆開和牛漢堡質感好，唔會太鬆散或太實，整得啱啱好，好多汁，送飯一流- 汁物 -🥣生紫菜麵豉湯- 甘味 -🫘紅豆蛋糕🚩榊 (尖沙咀) @kapposakaki 📍尖沙咀漆咸圍10-12號1樓
繼續閱讀